لە ئێستادا خانمە هونەرمەندى کورد ئەمەل سەعید کوردە گەڕاوەتەوە بۆ نیشتیمانی دایک و سەرقاڵی چەند پرۆژەیەکی هونەریىە، سایتى گەلاوێژ زانیویەتى لە ئێستادا سەرقاڵی کلیپکردنی دوو بەرهەمی هونەرییە بە ناوەکانى (ناوازەترین ئازار) لە هۆنراوەی خاتوو کەژاڵ ئەحمەد و ئاوازی ئەنوەر قەرەداغى، هەروەها (ئاهێک بۆ مناڵی) لە هۆنراوەی (کاوە حسێن) و ئاوازی (سەڵاح رەئوف)ە، کە هەردوو بەرهەمەکەشى کلیپى بۆ ئەنجامداوە لە شارەکانى سلێمانی و لەندەن.

هەروەها لەم سەردانەیدا سەرقاڵی تۆمارکردنی بەرهەمێکی دیکەى نوێیە لە هۆنراوەی شاعیری کۆچکردوو (کەژاڵ ئیبراهیم خدر) و ئاوازی (ئارام تەها).

 

ئەمەل سەعید کوردە لە چەند دێرێکدا:

- لە شاری کەرکوک لەدایکبووە.

- لە ساڵانى نەوەدەکان سەدەى رابردوو دەستى بەکارى هونەرى کردووە.

- دەرچووی بەشی میوزیکی پەیمانگای ھونەرەجوانەکانی سلێمانییە.

- لە قۆناغی یەکەمی خوێندنی لە پەیمانگەدا چووەتە سەر تەختی شانۆ و کاری کردووە.

- لە زۆربەی کار و چالاکی و فێستیڤاڵەکانی پەیمانگە و یادی ئەنفال و هەڵەبجە و راپەرین و بۆنەکان بەشداریکردووە.

- لە سەرەتادا لەگەڵ کۆمەڵەی هونەرە جوانەکانی سلێمانی دەرکەوتووە.

- یەکەم گۆرانیی تایبەتى بۆ تیڤی بەناوی (دەریا) تۆمارکردووە.

- ساڵی 2004 رووی کردووەتە هەندەران و لە بەریتانیا دەژێت.

- خاوەنى بڕوانامەى بەکالۆریۆسە لە زانکۆى لەندەن بەناوی (بریقەیەکی کوردی لە موزیکی جازدا)، کە  کلتووری کوردی و بیانی تێکەڵکردووە.

- چەندین ڤیدیۆ کلیپ و ئەلبومى گۆرانى بڵاوکردۆتەوە.

- لە ئێستادا بەرهەمهێن و پێشکەشکاری بەرنامەی (مرواریەکانی غوربەت)ە لە لەندەن.

ئەم بابەتە 65 جار خوێندراوەتەوە