خۆڕاگری کورد له‌ پێشه‌نگایه‌کى شێوەکاریدا

وابڕیارە رۆژى سێشەممە 3/9/2019، کاژێر (4:30) سەرلەئێوارە له‌ هۆڵی مۆزه‌خانه‌ی نیشتمانی ئه‌منه‌سوره‌که‌ لە سلێمانى، پێشه‌نگای تایبه‌تی هونه‌رمه‌ندى شێوەکار (که‌مال هه‌ژار) به‌ ناونیشانی (پانۆرامای خۆڕاگری کورد) تایبەتە بەمێژووى دێرینى کورد بکرێتەوە.

لە لێداونێکى تایبەت بۆ سایتى گەلاوێژ هونەرمەند (کەمال هەژار) وتى: "لە تابلۆکاندا باس لە مێژووى کورد دەکەم، ئەو مێژووەش چەندین قۆناغى هەیە و ئەم کارەیانم قۆناغى یەکەمیەتى و (30) بۆ (40) تابلۆم ئامادەکردووە بۆ پێشانگاکە بەڕووەبەرى جیا جیا کە لەنێوان (3) مەتر بۆ (5) مەتردان، بە بۆیەى زەیتیش تابۆکانم نەخشاندووە بۆئەوەى تا ماوەیەکى زۆر بمێننەوە، چونکە پانۆڕاماى کارەکان باس کردنى لە مێژووى کورد، مێژووش دەبێت بمێنێتەوە".

سەبارەت بەو شوێنانەى لە تابلۆکانیشدا ڕەنگیداوەتەوە ئاماژەى بۆ ئەوە کرد، کە باس لە قەڵاى دمدم کراوە کە چۆن خیانەتى تێداکراوە، چون ئازایەتى و خۆڕاگرى بەخۆیەوە بینیووە، هەروەک لەناو تابۆکانیشدا وێتەى قەڵاکانى (هەولێر، کەرکوک و  شێروانە) بەیدەکرێن.

شۆڕشەکانى کوردیش بێبەش نین لە پانۆڕاماکەدا، بۆیە ناوبراو باسى لەوە کرد، کە باسى لەهەموو شۆڕشەکانى کورد کردووە، باسى لە نەهەماتى و ئازایەتى و نسکۆى کورد کورد، هەروەک هەمەوەندەکانیش بەشێکى دیکەى پانۆڕامەکەن کە چۆن دوورخراونەتەوە و گەڕاونەتەوە نیشتمان.

هۆکارى هەموو ئەمانە و ڕەنگدانەوە و کارى ئەو هونەرمەندا بۆ ئەوەیە هەروەک خۆى وتى: " ئەگەر باس لە مێژوو نەکەین ناتوانین سەرکەوتووبین".

 

کەمال هەژار لە چەند دێرێکدا:

ناوى تەواوى کەمال حاجى رەحیم حاجى ئەحمەد جۆڵایە لە بنەمەلەى جۆڵاکانى شارى سلێمانییە.

لە 1/7/1959 لە شارى سلێمانى لەدایکبووە.

خوێندنى ئامادەیى لە سلێمانى تەواوکردووە.

ساڵى 1984 ئەندامى یەکێتى هونەرەمدانى عێراق بووە.

ئەندام یەکیتى هونەرەمەندانى کوردستانە.

ئێستا خاوەنى رێکخراوى (هونەرى هەژار)ە بۆ هونەرى شێوەکارى.


ئەم بابەتە 36 جار خوێندراوەتەوە
بابەتی لەیەکچوو