لە تۆڕى کۆمەڵایەتى و لە پەیجى سەرەکى خۆى (تەڵعەت تاهیر)ى شاعیر بڵاوى کردۆتەوە کە رۆژى پێنجشەممە ٢٦/9/2019  لە چەمچەماڵ دەبێت و هەروەک دڵخۆشى خۆى دەربڕیووە بە دیداری ئازیزانى.

وابڕیارە کۆڕەکە رۆژى پێنجشەممە 26/9/2019 کاژێر (4:30) ى ئێوارە لە هۆڵى رۆشنبیرى چەمچەماڵ بێت.

تەڵعەت تاهیر لە چەند دێرێکدا

- لە  رۆژى ۱۸/1/1973 لە شارۆچکەی مەخمور، سەر بە پارێزگای هەولێر لە دایکبووە.

- لە کۆتایی ساڵانی هەشتاکانی سەدەی رابردووە وە شیعر دەنوسێت.

- لە ساڵى 2018 بەشى خوێندنى تەکنیکى لە پەیمانگاى تەکنیکى شارى سلێمانى تەواو کردووە.

- ئەندامی دەستەی نووسەرانی چەندین گۆڤار و پاشکۆی ئەدەبی بووە.

- ئەندامی کارای یەکێتی نووسەرانی کوردە.

- ئەندامی کارای سەندیکای رۆژنامەنووسانی کوردستانە.

- جێگری سەرۆکی بنکەی رووناکبیری گەلاوێژ بووە تا رۆژی ٢٣/٤/٢٠١٩

- چەندین وتار و لێکۆڵینەوەی لەبارەی ئەدەبیاتی کوردی و جیهانییەوە بڵاوکردۆتەوە.

- چەند بەرهەمێکى چاپکراوى هەیە لەوانە:

- لەبەر ئاوازێک نایەوێ ببێتە گۆرانی، شیعر، ۲٠٠۹.

- دەرچوون لە سووڕیی نووسین، وتار و لێکۆڵینەوەی ئەدەبی، 2018.

- بنەچەی سەوسەن، وەرگێڕانی شیعری ئەدۆنیس، 2010.

- عەتری ئەو عاشقانەی مردن، وەرگێڕانی شیعر، کۆبەندی شیعرەکانی شاعیری عەرەب ئەدۆنیسە، 2016.

- ئارام بە هاملێت، شێتی ئۆفیلیا هەڵمژە، وەڕگێڕانی شیعری ئەدۆنیس.

ئەم بابەتە 23 جار خوێندراوەتەوە