وەزارەتی رۆشنبیری وەڵامى وەزارەتى ئەوقاف دەداتەوە

لە ناوەڕاستى مانگى رابردوو وه‌زاره‌تى ئه‌وقاف و کاروبارى ئاینى حکومه‌تى هه‌رێمى کوردستان نوسراوێکى فه‌رمى بە ژمارە (123) لە 15/9/2019 ئاراسته‌ى وه‌زاره‌تى رۆشنبیر و لاون – نوسینگه‌ى وه‌زیر کردووه، بۆ سنوردارکردنى دراما دۆبلاژکراوه‌کان ، له‌ نوسراوه‌که‌ ئاماژه‌ بۆ ئه‌وه‌شکراوه، دراماکان هۆکارێکن بۆ زیادبوونى رێژه‌ى جیابوونه‌وه‌ى هاوسه‌ران .
لەبەرامبەر ئەم نوسراوەدا وەزارەتی رۆشنبیری وەڵامی داواکارییەکە دەداتەوە، پێى وایە وەزارەتى ئەوقاف و کاروبارى ئاینى پشتی بە ئامار و داتا و زانیاریی دروست نەبەستووە. پێشنیازی پێکهێنانی لیژنەیەکی هاوبەشیش دەکەن.
لەم باریەوە (شێروان عەبدوڵڵا)، بەڕێوەبەرای گشتیی راگەیاندن و چاپ و بڵاوکردنەوە لە وەزارەتی رۆشنبیری لە کۆنگرەیەکی رۆژنامەوانیدا رایگەیاند: "'ئێمە لە بەڕێوەبەرایەتی گشتی راگەیاندن و چاپ و بڵاوکردنەوە پێمانوایە لەبەرئەوەی ئەو نووسراوەی وەزارەتی ئەوقاف پشتی بە ئامار و داتا و زانیارییەکی دروست نەبەستووە و تەنها بۆچونێکە".
شێروان عەبدوڵڵا پێشنیازی پێکهێنانی لیژنەیەکی هاوبەش بۆ هەڵسەنگاندنی ئەو بابەتە دەکات و دەڵێت: ''پێشنیاز دەکەین لیژنەیەکی هاوبەش لە خەڵکی شارەزا، وەزارەتە پەیوەندیدارەکان لەوانە ئەوقاف، رۆشنبیری، ناوخۆ و کاروکاروباری کۆمەڵایەتی پێکبهێندرێت بۆ هەڵسەنگاندنێکی بابەتیانەو زانستیانە و دانانی رێکاری پێویست بۆ مامەڵەکردن لەگەڵ ئەو پرسە".


ئەم بابەتە 25 جار خوێندراوەتەوە
بابەتی لەیەکچوو