ئۆرکێسترای سلێمانی کۆنسێرتێکی گەورە سازدەکات

وا بڕیارە رۆژی شه‌ممه‌ 5/10/2019 کاژێر (6)ى ئێوارە، له‌ هۆڵی کۆنگرێسی زانکۆی سلێمانی، کۆنسێرتێکی زۆر تایبه‌ت پێشکه‌ش بکات.

لەم کۆنسێرتەدا کە موزیکژەنی گەورەى کورد مامۆستا (عەبدوڵا جەمال سەگرمە) رابەری دەکات، کۆمه‌ڵێک ژه‌نیاری به‌ توانا و لێهاتووی بیانی له‌ وڵاتانی (روسیا، ئۆکرانیا و جۆرجیا) بانگێشت کراون، که‌ له‌ کۆنسێرته‌که‌دا ئامێره‌کانی (فرێنج هۆڕن، ترامپێت، ترۆمبۆن، تیوبا، ئۆبوا، کلارینێت و کۆنترابه‌یس) ده‌ژه‌نن، هه‌روه‌ها زۆربه‌ی ژه‌نیاره‌ به‌ توانا و لێهاتووه‌کانی ئه‌مڕۆی شاری سلێمانی تێدا به‌شدارن که‌ به‌ سەرجەمیان زیاتر له‌ (64) ژه‌نیارن.

له‌ به‌رنامه‌ی کۆنسێرته‌که‌دا، دوو شاکاری به‌ناوبانگی موزیکی کلاسیکی ئه‌وروپی (بتهۆڤن، ئۆڤه‌رچووری ئیکمۆنت و شوبێرت، سه‌مفۆنیای ژماره‌ هه‌شت که‌ به‌ سه‌مفۆنیای ناته‌واو یان ته‌واو نه‌کراو ناسراوه‌) پێشکه‌شده‌کرێن. هه‌روه‌ها سێ پارچه‌ موزیکی کلاسیکی کوردی به‌جێده‌هێنرێن که‌ بریتین له‌: (د. دڵشاد محه‌مه‌د سه‌عید، سروشگه‌لی کوردی، هه‌ردی مه‌جید، دوو میلۆدی فۆلکلۆری کودری بۆ ئۆرکسترا و د. عه‌بدولا جه‌مال سه‌گرمه‌، گه‌شتێک بۆ کوردستان).


ئەم بابەتە 23 جار خوێندراوەتەوە
بابەتی لەیەکچوو