Halabja.jpg

هەڵەبجە، پانێڵی کاریگەرییەکانی سۆشیاڵ میدیا ئەنجامدرا

سەر لەبەیانی رۆژی پێنچشەممە 14/11/2019 فیدراسیۆنی هاوکاران بەهەماهەنگی لەگەڵ زانکۆی هەڵەبجە پانێڵێکى لەژێر ناونیشانی (کاریگەرییەکانی میدیا و سۆشیال میدیا لەسەر توێژەکانی کۆمەڵگە)ئەنجامدا.

لە پانێڵەکەدا چەند بابەتێک پێشکەشکران، لەوانە:

بێدارکردنەوەی تاک لەنوێترین کاریگەریەکانی میدیای هاوچەرخ، لەلایەن (پ. ی. د. نەزاکەت حسێن) پیێشکەشکرا، لە باسەکەیدا باسی لە توندوتیژی میدیایی کردو ئەو داتاو ئامارانەی خستە روو که لەسەر توندوتیژی کراون و زیاتر توندوتیژیەکان بەرامبەر ژنان و گەنجان ئەنجام دراو، هەروەها باسی لە جۆرەکانی توندوتیژی کرد، کاریگەرییەکانی ئەو جۆرە توندوتیژیانەی خستەڕوو کە لە تێکچوونێکی دەروونیەوە دروست دەبێت تائەگاتە رادەی خۆکوشتن.

داتایەک لەسەر گرفتە کۆمەڵایەتیەکانی میدیاو سۆشیال میدیا لەسنوری پارێزگای هەڵەبجە، لەلایەن  (رائد بەرزان عوسمان) بەڕێوەبەری گشتی پۆلیسی پارێزگای هەڵەبجە بە پیێشکەشکرا، کە لە پانێڵەکەیدا باسی رۆڵی یاسای کرد لە بەرامبەر ئەو کەسانەی کە میدیاو سۆشیاڵ میدیا بەشێوازێکی نادروست بەکاردێنن و تیایدا یاسای ژمارە 6 ی ساڵی 2008 ی روونکردەوە کە ئێستا لەدادگاکان کاری پێ دەکرێت بۆ ئەو کەسانەی توندوتیژیان بەرامبەر ئەکرێت، سەرجەم ئەو داتاو سکاڵایانەی خستەڕوو کەلە پارێزگای هەڵەبجە تۆمارکراون.


ئەم بابەتە 66 جار خوێندراوەتەوە