Marj.jpg

ئاگاداریەک لە لێژنەى باڵاى فێستیڤاڵى گەلاوێژ بۆ نوسەران و ئەدیبان

دواى ئەوەى رۆژى سێشەممە 15/10/2019 کاژێر (4)ى ئێوارە لە هۆڵى دیالۆگ لە  کۆنگرەیەکى رۆژنامەوانیدا رۆژانى فێستیڤاڵى گەلاوێژ راگەیەندرا، بە سوپاسەوە لەوکاتەوە تاکو ئێستاکە چەندین بەرهەم گەیشتۆتە لێژنەى باڵاى بیست و سێیمەین فێستیڤاڵى گەلاوێژ و هەموانیش ئاگادارکراونەتەوە لە گەیشتنى بەرهەمەکانیان، بەڵام ئەوەى تێبینى دەکرێت بەشێک لەو بەڕێزانە ڕێنماییەکانى فێستیڤاڵیان جێبەجێنەکردووە، بەتایبەتى لە جۆرى فۆنت و ژمارەى وشەکان بۆیە لە جارێکى دیکە رێنماییەکان بڵاودەکەینەوە بەهیواى ئەوەى سوودى هەبێت بۆ هەموان.

بڕگە و مەرج و ڕێنماییەکانى بیست وسێیەمین فێستیڤاڵى گەلاوێژ:

1- مەرجەکانى وەرگرتنى بابەت دیاریکراوە پێویستە سەرجەم بابەتى بوارەکانى (شیعر، چیرۆک، لێکۆڵینەوە) نوێ بن و پێشتر لە هیچ شوێنێک بڵاونەکرابێتەوە و بەفۆنتى یونیکورد گۆران تایپ کرابن و سایزى (14) بن، بەم شێوەیەى خوارەوەش بۆ هەر بابەتێک لاپەڕە و وشەکان دیاریکراون:

أ- شیعر، پێویستە لە (4) لاپەڕە زیاتر نەبێت.

ب- چیرۆک، پێویستە لە (2000) دوو هەزار وشە زیاتر نەبێت.

ج- لێکۆڵینەوە، پێویستە لە (6000) شەش هەزار وشە زیاتر نەبێت.

2- لە رۆژى 15/10/2019 تاکو 15/2/2020 بابەتەکانى فێستیڤاڵ لە رێگەى ئیمەیلى ([email protected]) وەردەگیرێن.

3- لە رۆژانى 16، 17 و 18/4/2020 بیست و سێیەمین فێستیڤاڵ لە شارى سلێمانى بەڕێوەدەچێت.


ئەم بابەتە 587 جار خوێندراوەتەوە