Adnan.jpg

عەدنان کەریم ئەلبومی (شەوبا)ی بڵاوکردەوە

هونەرمەندی گەورەى کورد (عەدنان کەریم) نوێترین ئەلبومی گۆرانیی خۆی بە ناوی (شەوبا) بڵاوکردەوە.

ئیواره‌ى رۆژى سێشەممە 26/11/2019 له‌ سینه‌ما سالم له‌ شاری سلیمانی هونەرمەندى گەورەى کورد عەدنان کەریم ئه‌لبومه‌که‌ی خۆى بەناوى (شەوبا) بە هەوادارانى ناساند، ئه‌مڕۆش چوار شه‌ممه‌ 27/11/2019 له‌ شارى هه‌ولێر له‌ چالاکی قوتابخانه‌کان هه‌مان کاری ئه‌نجامدا.

سەبارەت بە ئەلبۆمەکەى عەدنان کەریم رایگەیاند، کە ئەلبومی (شەوبا) لە (3) سێ تراکی سەمفۆنیک پێکهاتووە، هەروەها جیاوازییەکی تری ئەم بەرهەمە لەوەدایە کە هەر سێ تراکەکان لە هۆنراوەی شاعیرى گەورەى کورد (هێمنی موکریانی)ن.

سەبارەت بەکات و شوێنى بەرهەمهێنانى بەرهەمەکەى باسى لەوە کرد، کە لە ساڵى 2016 لە وڵاتی چیک  تۆمارکراون، بەڵام بەهۆى بارودۆخى کوردستان نەیتوانیوە لە کاتی خۆیدا بڵاوی بکاتەوە.

تراکەکانی ئەلبۆمی (شەوبا) بریتین لە (ئەشق و ئازادی، گریانی نیوەی شەو، گۆمی خوێن)، کە عەدنان کەریم خۆی ئاوازی بۆ سەرجەمیان داناوە، هونه‌رمه‌ندی میوزیکژه‌ن (کارزان مه‌حموود) کاری دابه‌شکردن بۆ کردووە و ئۆکیسترای نیشتمانی چیک کاری میوزیکی ئەنجامداوە.

ئەوەى ئەلبومە لە ئەلبومەکانى دیکەى هونەرمەند و سەرجەم هونەرمەندانى دیکەى جیاى دەکاتەوە، ئەوەیە ئه‌لبومه‌که‌ی ئه‌م جاره‌یان له‌ تۆمارگاکان نافرۆشیت، به‌ڵکو ته‌نها له‌ کتیبخانه‌کان ده‌ست ده‌که‌وێت، هۆکارەکەشى بۆ ئەوە گەڕاندۆتەوە و پێى وایە لە کتێبخانەکانى باشتر ده‌گاته‌ ده‌ستی گوێگران و دوور ده‌بێت له‌ کۆپی کردن.

دواهەمین کاریشى پێشکەش کردووە بە رووحی شاعیری گەروەی کورد (هێمنی موکریانی).

بۆ زانیارى لەسەر ژیانى عەدنان کەریم کلیک لێرە بکە.


ئەم بابەتە 130 جار خوێندراوەتەوە