Misry.jpg

کەرکوک، پێنجەمین فێستیڤاڵی شانۆی شەقامی کەرکوک ئەنجام دەدرێت

لە شارى کەرکوک پێنجەمین فێستیڤاڵی شانۆی شەقامی کەرکوک بۆ ماوەی سێ رۆژ بەردەوام دىبێت.

وا بڕیارە رۆژى پێنجشەممە 28/11/2019 پێنجەمین فێستیڤاڵی شانۆی سەر شەقامی نێودەوڵەتی خولی حسێن میسری لە شاری کەرکوک بەڕێوەبچێت، فێَستیڤاڵەکە بەسەرپەرشتی وەزارەتی رۆشنبیری حکومەتی هەرێمی کوردستان و بەرێوەبەرایەتی گشتی رۆشنبیری هونەری سلێمانی و بەرێوەبەرایەتی رۆشنبیری هونەری کەرکوک و بە هاوکاری ناوەندی رێکخراوە دیموکراتیەکانی کەرکوک و گرووپی شانۆی هەوارە.

واش بڕیارە (3) سێ رۆژ فێستیڤاڵەکە بەردەوام بێت و 20) بست گروپی شانۆ لە (5) پێنج وڵات و شارەکانی هەرێمی کوردستانیش بە چەند نمایشیک بەشداربن.

بەپێى سەرچاوەکانى لێژنەى فێستیڤاڵ، ئەمساڵ فێستیڤاڵەکە جیاوازتر دەبێت لە خولەکانی پێشووتری، بەو پێیەی کە لە (5) پێنج وڵاتی جیاجیاوە گروپی شانۆیی میوانداری کراون، هەروەها هەر گروپێک پێویستە (3) سێ جار و لە (3) سێ شوێنی جیاجیای کەرکوکدا بەرهەمەکانیان نمایش بکەن، کە ساڵانی رابردوو بەرهەمەکان تەنها یەک جار نمایش دەکران.

بەپێى کارنامەى فێستیڤاڵ، وەک وەفایەک بۆ هونەرمەندی کۆچکردووی کەرکوک سەلاح داودە، یەکەمین ڕۆژی فێستیڤاڵ چەپەکە گوڵی ڕێزلێنان لەسەر مەزاری سەلاح داودە دادەندرێت و چەندین پانێڵی شانۆی بەڕێوەدەچێت.

لە رۆژى 30/11/2019 کە کۆتا رۆژى فێستیڤاڵە، لە لەلایەن لیژنەیەکی تایبەتەوە یەکەم و دووەم و سێیەمی براوەی فێستیڤاڵەکە دیاریی دەکرێن و خەڵات دەکرێن.

بەپێى سەرچاوەکانى سایتى گەلاوێژ لێژنه‌ی دادوه‌رانى فێستیڤاڵ پێکهاتوون لە: (د. دڵشاد مستەفا، سەرۆکی لێژنە و هەریەکە لە ئاسیا کەمال، که‌ریم خاوه‌ری، م. گوڕان محمد، م. عارف معروف ئەندامی لیژنەی دادوەرانن).


ئەم بابەتە 63 جار خوێندراوەتەوە