Dramay_Gwrgakan1.jpg

ئەکتەر بۆ درامای گورگەکان دیاریدەکرێت

دواى ئەوەى لە کۆتایى مانگى رابردووى ئەمساڵدا، له‌ هوتێل چوارچرای شاری هه‌ولێر له‌ژێر ناونیشانی (هونه‌رمه‌ندان له‌ پرسه‌ نیشتیمانیه‌کاندا هاوده‌نگن) کۆمپانیای سام پڕۆ، پڕۆژه‌یه‌کی نیشتیمانیی نه‌ته‌وه‌یی هونه‌ری راگه‌یاند، بۆ ئەوەى درامایەکى نوێى کوردى بەناوى دراماى گورگەکان، کە درامایەکى چوار وەرزییە و هەر وەرزێکی لە (20) زنجیرە پێکدێت بەرهەمبهێنێت.

لە ئێستادا کۆمپانیاکە لە هەوڵى دیاریکردنى ئەکتەرن بۆ دراماکە، بۆ ئەم مەبەستە لە ئاگادارکردنەوەیەکدا هاتووە، وا بڕیارە رۆژی یەکشەممە 1/12/2019 کاژێر (1)ى پاش نیوەڕۆ لە هۆڵی کۆمەڵەی هونەرە جوانەکان لە شارى سلێمانى ئەکتەر ناوشارى سلێمانى و دەوربەرى دیارى بکەن بۆ ئەوانەى خوازیارن وەکو ئەکتەر بەشدارى دراماکە بکەن.

پێشتریش لە شارى هەولێر، چەند ئەکتەرێکیان دەستنیشان کردبوو.

دراماکە لە دەرهێنانى (میهران شیری) و چەندین ئەکتەر رۆڵى تێدا دەبینن و لە بەرهەمهێنانى کۆمپانیای (سام پڕۆ)یە.


ئەم بابەتە 116 جار خوێندراوەتەوە