پێشانگایەکی شێوەکاری بۆ پشتیوانی رۆژئاوای کوردستان کرایەوە

لە ژێر دروشمى (ئەگەر چەک نەبم، هونەر ئەبم بۆ رۆژئاوا) ژمارەیەک هونەرمەندی شێوەکاری شاری سلێمانی بەدروستکردنی چەند تابلۆیەک پشتگیری رۆژئاواى کوردستان دەکەن.

لە رۆژى 5/12/2019 کاژێر (3)ى دواى نیوەڕۆ لەهۆڵی تەوار لەشاری سلێمانی، رێکخراوی نوێگەر پێشانگایەکی شێوەکاری بۆ ژمارەیەک هونەرمەندی شاری سلێمانی کردووە کە وێنەکانیان پشتگیرییە بۆ رۆژئاواى کوردستان.

مەبەست لە کردنەوەى پێشانگاکە نیشاندانى ئێش و ئازاری تەواوی گەلی کوردە لە ڕێگەى تابلۆوە بەشێوەیەکى گشتى و گەلی رۆژئاوای کوردستان بە تایبەتى.

پێشانگاکە لە (25) تابلۆ پێکهاتبوو، کە سەرجەمیان لەلایەن (7) هونەرمەندەوە ئامادەکرابون ئەمڕۆش 6/12/2019  لە کامێر (10) سەرلەبەیانی تا (5)ی ئێوارە بەردەوام دەبێت.

دواى ئەوەى لە مانگی رابردوو سوپای تورکیا هێرشی کردە سەر رۆژئاوای کوردستان و چەندین هاوڵاتی و شەڕڤان شەهید و برینداربوون، لەوکاتەوە تاکو ئێستاکە هونەرمەندانى کوردستان شان بەشانى گشت چین و توێژەکانى دیکە بە چەندین چالاکى جۆراو جۆر پشتیوانى خۆیانى بۆ رۆژئاواى کوردستان دەربڕیوە.


ئەم بابەتە 62 جار خوێندراوەتەوە
بابەتی لەیەکچوو