Rehat.jpg

ساڵیادى رێهات عەزیز بەڕێوەدەچێت

ساڵیادی کۆچی دوایى هونەرمەند رێهات عەزیز لە شارى سلێمانى بەڕێوەدەچێت.

ول بڕیارە لە رۆژى 12/12/2019 کاژێر (3)ى پاش نیوەڕۆرۆ لە هۆڵی رۆسنبیری سلێمانی، خانەوادەی هونەرمەندی میوزیک ژەن (رێهات عەزیز) بە هاوکاری بەڕێوەبەرایەتی گشتی رۆشنبیری و هونەری سلێمانی بە دروشمی (رێهات... بە ئەستێرە بوونی کلارنێت) مەراسیمى ساڵیادی کۆچی دوایى ئەو هونەرمەندە ئەنجام بدەن.

وا بڕیارە لە هەمان رۆژدا هونەرمەند رەوا جەمال کۆنسێرتێکى گۆرانى لە شارى سلێمانى ئەنجامبدات، ئەو رۆژە هاوکاتە لەگەڵ کۆچى دوایى رێهات، بۆ ئەم مەبەستە چەند هەوادارێکى رەوا جەمال لە نوسینى کۆمێنت بۆى داواکارن لەم رۆژەدا ئاهەنگەکەى ئەنجام نەدات، چونکە هاوکات ساڵیادى کۆچى دوایى رێهات، لەوەڵامدا ئەوەى نوسیوە، هەڵبژاردنى ئەم رۆژە بەمەبەست نەبووە، لە کۆنسێرتەکەش ئاماژە بە کۆچى دوایى رێهات دەدات و درود بۆ گیانى پاکى دەنێرێت.

رێهات عەزیز  لە چەند دێرێکدا:

ناوى تەواوى: رێهات عەزیز حەمەکەریم

ئەوکاتەى کۆچى دوایى کرد تەمەنى (18) ساڵ بووە.

خوێندکاری پەیمانگەی هونەرە جوانەکانى سلێمانى بوو.

لە رۆژی 5/12/2018 توانی ببێتە براوەی خەڵاتی دەزگای روانگە لە بەشی (تاکژەنی میوزیک).

لە رۆژى 12/12/2018 لە شاری سلێمانی کۆچی دوایی کرد و هەر ئەو کات پۆلیسی سلێمانی بڵاوی کردەوە کە ریهات بە پەت کۆتایی بە ژیانی خۆی هێناوە.


ئەم بابەتە 75 جار خوێندراوەتەوە