wrya.jpg

به‌ وێنه‌ی مرۆڤێکی بێسنوور

وریا مەزهەر

شیعرێكی وریا مەزهەر شاعیر و چیرۆكنووسی (كورد_فارس)ە ئەو ٢٩/٢/١٩٧٦ لەدایكبووە، ٢٦/٤/٢٠١١ لەتەمەنی 35 ساڵیدا لە شاری هێلنسكی خۆی كوشت و لە گۆڕستانی کێڵۆنومێن هاوتاوسما) ی هێلنسكی بەخاك سپێردرا. وریا دەربارەی ئامادە نەبوون، دەربارەی ونبوون و پەرتبوون و بێ یەكی دەینووسی.. ئەم شیعرەی وریا لەهەمان فەزاو جێگا دەدوێت كە بۆشاییە، كە تەنیایی و غەمگینییەكی قورسە. 

 

به‌وێنه‌ى مرۆڤێكى بێسنوور

پێويستم به‌ گشت جيهانه‌.

به‌وێنه‌ى كوردێك،

پێويستيم به‌ خاكێكه‌

كه‌ چل مليۆن و كه‌سێك بگرێته‌ خۆى.

به‌ وێنه‌ى مرۆڤێكى كوردى بێسنووريش

پێويستيم به‌ باخچه‌يه‌كه‌، هه‌ر به‌ قه‌راى له‌پى ده‌ستێك،

له‌ وڵاتێكى قوتبيدا،

كه‌ هاوينان

به‌ په‌نجه‌ له‌رزۆكه‌كانم

پياز و توورچه‌ى تێدا بچێنم.

 


ئەم بابەتە 79 جار خوێندراوەتەوە