yalmaz.jpg

هەشتەمین سەرسوڕهێنەری جیهان لە سلێمانی دروستدەکرێت

لە نوێترین پرۆژەیدا کۆمپانیای هاواری فیلم و ناوەندی سینەمایی و رۆژنامەوانی بەدرخان لە شاری سلێمانی پڕۆژەی کۆمەڵگەی یڵماز گونەی سینەما و گەشتیاریی راگەیاند.

هەوار مستەفا خان خاوەنى کۆمپانیای هاواری فیلم و ناوەندی سینەمایی و رۆژنامەوانی بەدرخان لە واڵى تایبەتى خۆى نوێتریت پڕۆژەى راگەیاند، کە هەروەک خۆى باسى لێوەدەکات، تاوەری یەڵماز گونەی، وەک هەشتەمین سەرسوڕهێنەری جیهانییە.

خان، لە نوسینەکەیدا بە وردى باسى لە پرۆژەکە کردووە، کە تاوەرەکە لە دوو نهۆمی کافێ و ریێستۆرانتی ژێر پێیەکانی (57) مەتر بەرزیەکەیەتی، لە دوای (7) سەرسوڕهێنەرەکەی دونیا، دەبێتە هەشتەمین و لە ساڵی (2020)دا لەناو جەرگەی سلێمانی و باشوری کوردستان، بۆ کوردو کوردستانیی و ناوچەکە و جیهان ئاوادەکرێت.

دەقى نوسینەکە وەک خۆى بخوێنەوە:

هەشتەمین سەرسورهێنەرە نوێیەکەی دونیا..
پڕۆژەی" کۆمەڵگەی یڵماز گونەی سینەماو گەشتیاریی".

تاوەری یڵماز گونەی کە بە هەردوو نهۆمی کافێ و ریێستۆرانت-ی ژێر پێیەکانی (٥٧) مەتر بەرزیەکەیەتی، لە دوای (٧) سەرسوڕهێنەرەکەی دونیا، دەبێتە هەشتەمین و لە ساڵی ٢٠٢٠دا لەناو جەرگەی سلێمانی و باشوری کوردستان، بۆ کوردو کوردستانیی و ناوچەکە و جیهان ئاوادەکرێت.
بێجگە لە (١٠) مەتری ژێرەوە (٤٧) مەتریش لە نوکی پێیەوە دەست پێ دەکات تاوەکو تەوقی سەری کە ژمارە (٤٧)، دەکاتە (٤٧) ساڵ تەمەنی پڕ شکۆمەندانەی یڵماز گونەی.
یڵماز گونەی بەو تەمەنە کەمەیەوە سەرباری ئەوەی (١٢) ساڵی لە زینداندا بەسەر برد، بەڵام بەشی (١٠٠)ساڵ وەبەرهێنانی لە خۆیدا کردو وەك مرۆڤێك تاوەکو ئێستا لە شێوەی کارو خەبات و بەرهەمەکانی "گونەی" نە لە کوردتسان و تورکیا و نە لە جیهانیشدا دوبارە نەبۆتەوەو ئەو تاوەرەی کە بەندەش رەسمم کردوە بە چ شێوەیەك بێت، لەسەرانسەری دونیادا سێرچ بکەن هیچ پەیکەرێک ئی هیچ کەسایەتییەك نیە ژیانی تێدا بگوزەرێت بێجگە لەوەی یڵماز گونەی کە رۆژانە توانای پێشوازیکردنی (٤) هەزار گەشتیارو هاموشۆکارهەیە؟!.
پێشتر لەسەر ئەو تاوەرەو بەشەکانی ناوی رونکردنەوەمانداو بڵاومانکردەوە کە چەندە گرنگە لە شاری ئەدەب و هونەر، شاری سینەماو دراما، پایتەختی رۆشنبیریی هەرێمی کوردستان و کۆماری یڵماز گونەی ژیاندۆستیی، ئەو پڕۆژەیە ئاوا بکرێت.
ئێستا پڕۆژەی "کۆمەڵگەی یڵماز گونەی سینەماو گەشتیاریی" یان شانشینی یڵماز گونەی ئەفسوناویی "ئامادەیەو لە هەفتەی داهاتوودا لیژنەیەك لە کۆماپانیای هاواری فیلم و ناوەندی سینەمایی و رۆژنامەڤانیی بەدرخان دەست دەکەن بە رێکارەکانی ناساندنی ئەو پڕۆژەیە لە رێگای سازدانی پانێڵێکی گەورە کە تێیدا بە ئامادەبوونی کاربەدەستە باڵاکانی حکومەت و پارێزگاری سلێمانی و سەرمایەدار و هونەرمەندو روناکبیرو ئەکادیمیی و میدیاکاران، پڕۆژەی کەرتی "سینەماو دراما"رادەگەیەنرێت و کۆمەڵگەی یڵماز گونەی سینەماو گەشتیاریی گەنگەشەی لەسەر دەکرێت کە پڕۆژەیەکە لەسەر روبەری (٢٥)هەزار دۆنم زەوی بونیات دەنرێت و بەدەست پێکردن و تەواو بوونی دەبێتە گەورەترین پڕۆژەی وەبەرهێنان لە کوردستان و عیراق و رۆژهەڵاتی ناوەڕاست.
گوژمەی تێچووی پڕۆژەکە (٢) ملیار دۆلار دەبێت و بەتەنها پارەو پولی سەرمایەداری کوردو کوردستان دەتوانرێت لەماوەی (٥ بۆ ١٠) ساڵ سەرلەبەری ئۆپشنەکانی ناو ئەو پڕۆژەیە کە بریتییە لە (١٠٠) ئۆپشن تەواو بکرێت و هەر لەساڵی دووەمی کارکردنیدا بەشێکی زۆری ئۆپشنەکانی ناوی بەڕووی گەشتیار و هاموشۆکارانیدا بکرێتەوە لەناویاندا "تاوەری یڵماز گونەی".کە داهاتی ساڵانەی ئەو تاوەرە خۆی لە (١٠) ملیۆن دۆلار دەدات؟!.
لەماوەی رابرادوودا(٣)پەیامی بەندە وەک بانگەواز بۆ کەمەندکێش کردنی (دەستەڵات و سەرمایەدارو هونەرمەندان) بڵاوکرایەوە، دوو پەیامی تریشمان مابوو یەکێك بۆ هاوڵاتیان کە تێیدا ئاماژەمان بەوەداوە تەنێ بەبەشداری هاوڵاتیانی کوردو کوردستانی دەتوانرێت ئەو پڕۆژەیە سەربخرێت و نمونەی تواناسازی تاق تەنیای خودی یڵماز گونەیمان هێناوەتەوە کە چۆن توانی (٣) دەیە لەسەر یەک لە نائارامیترین کات و سەردەمەکانی تورکیادا ببێتە ئەستێرەو تۆپ.
پەیامی پێنجەممان بۆ کۆمەڵگەی نێو دەوڵەتی و سەرمایەدارانی بیانییەو ئەو دوانەمان بۆیە لێرە بڵاو نەکردەوە، چوون لە چاپی پڕۆژەکەدا بڵاوکراوەتەوەو لەدوای دەرچوونی لەپانێڵدا هەر دوو باگەوازەکە ئاماژەی پێدەدرێت کە بە چ شێوەیەک توانای وەرگرتنی قەرز لە یەکێتی ئەوروپاو دونیای دەرەوە و سەرمایەدارانی بەدی دێت.

رونکردنەوەیەکی پێویست: ئەگەرچی ئەو پڕۆژەیە لەسالی ٢٠١٨ەوە نوسراوەو لە سەرەتای سالی ٢٠١٩ لەبەشی یاساییدا وەك پڕۆژەیەکی بەندە تۆمار کراوە، بەڵام لە کۆتایی ساڵی ٢٠١٩ دا خرایە بەرچاپ و لەو ساتانەدا هونەرمەندو میدیاکار رەوانشاد ئاسۆ عومەر سوارە کۆچیدوایی کردو بەرە رانەگەیشتین پڕ بەپێستی توانای ئەو هاوڕێ و هونەرمەندە جێگایەک لەناو ئەو چاپەدا بۆ پێشکەشکردنی پڕۆژەکە بە گیانی پاکی ئەو تەرخان بکەین.

وێنەکان:-
+ وێنەی یەکەم: هەشتەمین سەرسوڕهنەرەکەی دونیا لەنێو بەشێك لە سەرسوڕهێنەرەکانی دونیا.
وێنەی دووەم: بەرگی پڕۆژەکە کە بریتییە لە (٥٢)لاپەڕە بە قەبارەی (A4).
+ وێنەی سێیەم پۆستەرێکە بە قەبارەی (A2, 50 X70).

+ لینکی بڵاوکردنەوەی هەواڵی پڕۆژەکەو پێشکەش کردنی بە هونەرمەندو میدیاکار ئاسۆ عومەر سوارە لە سایتی بنکەی ئەدەبی و روناکبیریی گەلاوێژ

http://galawej.com/2020/01/2020-01-05162551.html


ئەم بابەتە 95 جار خوێندراوەتەوە