5.jpg

مەراسیمى چلەى هونەرمەند ئاسۆ عومەر سوارە بەڕێوەچوو

ئێوارەى ئەمڕۆ هەینى 7/2/2020 کاژێر (3:30) لە مەراسیمێکى شایستەدا لەهۆڵى تەلارى هونەر بنکەى روناکبیریى گەلاوێژ بەهاوبەشى لەگەڵ وەزارەتى رۆشنبیرى حکومەتى هەرێمى کوردستان و ناوەندى میدیایى کوردسات چلەى هونەرمەندى کۆچکردوو ئاسۆ عومەر سوارە بەڕێوەچوو.

سەرەتا مەراسیمەکە هەموان دەقیقەیەک بۆ گیانى پاکى هونەرمەند ئاسۆ سوارە و تەواوى هونەرمەندانى کۆچکردوو شەهیدانى رێگاى ئازادى وەستان، دواتر چەپکە گوڵى خاتوو هێرۆخان وەک وەفا و رێز و خۆشەویستى لەسەر وێنەى هونەرمەندى جوانەمەرگ دانرا.

هەر لە مەراسیمەکەدا جگە لە پێشکەشکردنى چەندین وتار لەلایەن وەزارەتى رۆشنبیرى، بنکەى روناکبیرى گەلاوێژ، کۆمەڵەى زیندانیە سیاسیەکان، سەندیکاى هونەرمەندانى کوردستان، دەزگاى میدیاى کوردسات و وتارى بنەماڵە چەندین فیلمى دیکۆمێنتارى لەسەر ژیانى کاکە ئاسۆ نمایشکرا.

د. ابتسام ئیسماعیل سەرۆکى بنکەى روناکبیریى گەلاوێژ لە سەرەتاى وتەیەکدا وتى: "چل رۆژ پێش ئێستا مۆمێکى باڵا بەرزى پڕ شریخەى باران... لە گرمەگرم وەستاو... چل رۆژ پێش ئێستا شۆڕەشوارى بنکەى روناکبیریى گەلاوێژ بووە بە میوانى فریشتەکانى بەهەشت و لەوێ لەگەڵ گەورە پیاوان و کەڵە زاناکانى ترى کاروانى خەباتى روناکبیریى کورد دەست لەملان بوو".

دەقى وتارەکە وەکخۆى بڵاودەکەینەوە....


ئەم بابەتە 93 جار خوێندراوەتەوە