Halgwrd_jalal.jpg

کاتێک دیبلۆماسیەت شکست دەهێنێت

کتێبی (کاتێک دیبلۆماسییەت شکستدەهێنێت) لە نوسینی نووسەر و رۆژنامەنوس (هەڵگورد جەلال) بڵاوکرایەوە.

نوسەر لە واڵى تایبەتى خۆى لە تۆڕى کۆمەڵایەتى فەیسبوک هەواڵى بڵاوکردنەوەى کتێبەکەى بڵاوکردۆتەوە، هەروەک لە واڵەکەیدا هاتووە: "ئه‌م کتێبه‌شم چاپ و بڵاوبۆوه‌".

کتێبەکە نوێترین کتێبى نوسەر خۆیەتى و له‌سه‌ر بودجه‌ى پایته‌ختى رۆشنبیرى و له‌سه‌ر بڕیارى وه‌زاره‌تى رۆشنبیرى چاپکراوه‌، تایبه‌ته‌ به‌شیکردنه‌وه‌و هه‌ڵسه‌نگاندنى چه‌ند دۆسیه‌یه‌کى ناوچه‌یی و نێوده‌وڵه‌تى، کە نوسەر باسی کۆمەڵێک تەنگەژەی گەورەی سیاسی کردووە کە ئەمڕۆ لە جیهاندا روویانداوە، لەوانە: (کێشەی نائارامی لە سودان و بەرازیل، چەکی ئەتۆمی ئێران و ناوچەکە، تەنگەژەی مووشەکە بالیستییەکانی کۆریای باکوور، کۆمەڵێک کێشەی تریش).

نووسەر لە پێشەکی کتێبەکەیدا نوسيوەیەتی:

"ئەم کتێبە لەبنەڕەتدا دۆسییەی حەوت وڵاتی هەڵبژاردووە، بۆ شیکردنەوەو هەڵسەنگاندن و خوێندنەوەیەکی سیاسی و ئەمنی و سەربازی و تاڕادەیەکیش ئابووری، بەڵام ئەوەی خاڵی پێکەوە بەستنەوەی قەیران و دۆسییەی هەر حەوت وڵاتەکەیە، بریتییە لە بوونی رەگوڕیشەی گەندەڵی و تێوەگلانیان بەڕاستەوخۆ بەدۆسییەی تیرۆرو دژایەتیکردنییەوە".


ئەم بابەتە 95 جار خوێندراوەتەوە