karim.jpg

پرۆژه‌یه‌کی 100 هه‌زار کتێبی بۆ خوێندنگاکان ده‌چێته‌ بواری جێبه‌جێکردنه‌وه‌

هونه‌رمه‌ندى کورد (به‌ختیار سه‌عید) لە واڵى تایبەتى خۆى له‌ تۆڕی کۆمه‌ڵایه‌تی فه‌یسبوک لەژێر ناونیشانى (هەنگاوێکی پڕ لە دڵسۆزی دەزگای خێرخوازی کەریمی ئەلەکە)، ئاگاداریه‌کی بڵاوکردۆتەوە،

هەروەک لەئاگادریەکەدا هاتووە:

هەنگاوێكی پڕ لە دڵسۆزی دەزگای خێرخوازی كەریمی ئەلەكە

هەروەكو ئەو دەمانەی پێشتر كە خزمەتكردن بۆتە بەشێك لە ژیانی، ئێستاش بۆ درێژەدان بەو رێڕەوە بەرێز (د. تەها رەسوڵ) لەرێگەی دەزگای خێرخوازی كەریمی ئەلەكە-ەوە پرۆژەیەكی رۆشنبیریی دەست پێكردووە كە بۆ هەر خوێندنگەیەك كتێبخانەیەك بە ئەندازەی 100x200cm لەگەڵ 100 كتێبی هەمەجۆر كە شیاوو بەسوود بێت بۆ ئەو قۆناغی خوێندنە بێ بەرامبەر دەبەخشرێتە خوێندنگەكان كە بەشێكی زۆری ئەم پرۆژەیە بۆ دەرەوەی سەنتەری شار دەبێت كە كەمترین ئاوڕیان لێ دراوەتەوەو وەكو قۆناغی یەكەم 100 كتێبخانە بەو ئەندازەیەی كە لەسەرەوە ئاماژەی پێدراوە لە ئامادەبووندایەو كتێبەكانیش بە پێی قۆناغەكان لەئامادەبووندایە.
جێی ئاماژەیە بۆ ئەم پرۆژەیە 100 هەزار كتێب ئامادەكراوەو ئەمە قۆناغی یەكەمەو دواتریش هەمان پرۆژەو بیرۆكە لەشارەكانی كەركوك و هەولێر و دهۆك جێبەجێ دەكرێت.
بەندە لەم پرۆژەیەدا سەرپەرشتی جێبەجێكردنی لەئەستۆگرتووەو كۆی بیرۆكەو پرۆژەكە لەلایەن بەرێز (د. تەها رەسوڵ)ەوە جێبەجێكراوە

دەزگای خێرخوازی كەریمی ئەلەكە
17/2/2020


ئەم بابەتە 45 جار خوێندراوەتەوە