Shahryar.jpg

مامۆستا شهریار کێیە؟؟؟....

جەوهەر عەزیز

مامۆستا شه‌هریار یەکێکە لە شاعیرە ناودارەکانی ئەدەبیاتی فارسی خاوەنی شاکارگەلێکی ناوازەیە و له‌ دوای شکستێکی خۆشه‌ویستی، کۆتا قۆناغی خوێندنی دکتۆری بەجێ ده‌هێڵێت و واز له‌ خوێندن و بڕوانامەی دکتۆراکەی ده‌هێنێت !
واتە 6 مانگ پێش وه‌رگرتنی بڕوانامه‌ی دکتۆری به‌ هۆی نه‌گه‌یشتن به‌ خۆشه‌ویسته‌که‌یه‌وه‌ واز له‌ خوێندن ده‌هێنێت.

ئه‌ویش بەهۆی ئەوەی که‌ ده‌چێته‌ خوازبێنی کچی یه‌کێک له‌ ناسیاوه‌کانی به‌ هۆی ئه‌وه‌وه‌ی که‌ نه‌بون و هه‌ژار ده‌بێت و له‌و کاته‌شدا هیچ ناوبانگێکی نابێت پێی ڕازی نابن!
شەهریار تا ته‌مه‌نی 47 ساڵی به‌ بێ هاوسه‌ر ده‌مێنێته‌وه‌ و به‌ یادی عه‌شقی سه‌رده‌می لاوێتی خۆیه‌وه‌ ساڵه‌کان به‌سه‌ر ده‌بات.

وه‌ک وتمان له‌ گه‌نجێتیدا بە هۆی هەژاریەوە‌ وه‌ڵامی نه‌خێر یان پێ داوە، به‌ڵام کاتێک له‌ ڕۆژی سیانزه‌ به‌ده‌ر (له‌ وڵاتی ئێران که‌ 13 رۆژ له‌ وه‌رزی به‌هار تێپه‌ڕی پێی ده‌ڵین سیانزه‌ به‌ده‌ر کە نه‌ریت وایه‌ ئه‌و ڕۆژه‌ هه‌موان ده‌چنه‌ ده‌ره‌وه‌ بۆ گه‌شت و سه‌یران) لەو ڕۆژانەدا شهریار خۆشه‌ویسته کۆنه‌که‌ی له‌ ته‌نیشت مێرده‌ سه‌رمایه‌داره‌که‌ی و منداڵ له‌ باوه‌ش ده‌بینێت و ئه‌م شیعره‌ دەڵێت که‌ به‌ ڕاستی شاکاره‌:

ماڵ و هاوسه‌رم نه‌گرت که‌ له‌ گره‌ودا بو سه‌رم
تۆ وا بوی به‌ دایک و من به‌و هه‌مو پیریه‌وه‌ کوڕم
تۆ جگه‌ر گۆشه‌که‌شت له‌ شیر سه‌نده‌وه‌ و ئیستاش
منی داماو هه‌ر ئه‌و عاشقه‌ خوێن له‌ جگه‌ره‌م
من که‌ هیچ هه‌وه‌سێکم له‌ عه‌شقی گه‌نجێتیدا نه‌بو
هه‌وه‌سی عه‌شقی گه‌نجێتیه‌ به‌و پیریه‌ داویه‌تی له‌ سه‌رم !
باوکت گه‌وهه‌ره‌که‌ی خۆی به‌ زێڕ و زیو فرۆشت
باوکی عه‌شق بمرێت که‌ کوشتی باوکم
عه‌شق و ئازادی و چاکه‌ی گه‌نجێتی و هونه‌ر
سه‌یره‌ هیچی نه‌کرد ئای چه‌نده‌ نه‌دارم
سیانزه‌یه‌ و هه‌مو خه‌ڵکی به‌ ده‌رن له‌ شار
من خودی ئه‌و سیانزه‌یه‌م که‌ له‌ هه‌مو جیهان به‌ده‌رم
هه‌تا بۆ دار و دیوار نوێ که‌مه‌وه‌ په‌یمانی کۆن
هه‌ندێک جار به‌ کۆڵانی یاره‌که‌مدا تێ ده‌په‌ڕم..
_______________________________________

مامۆستا شه‌هریار له‌ کۆتاییه‌کانی ته‌مه‌نیدا به‌ هۆی نه‌خۆشیه‌وه‌ له‌ نه‌خۆشخانه‌ ده‌خه‌وێنرێت و پزیشک جوابی ده‌کات، خزمان و هاوڕێکانی شەهریار بۆ باش تر کردنی بارو دۆخ و ده‌روونی ئه‌و ده‌چن هەر چۆنێک بیت و به زۆر و ته‌کلیف کردن خانمی مه‌عشوقه‌که‌ی رازی ده‌که‌ن و ده‌یهێنن بۆ نەخۆشخانە بۆلای، عه‌شقه‌ کۆنه‌که‌ی شه‌هریار که‌ ئێستا پیرە ژنێکە، هەرچۆن بێت ڕازی دەبێت قبوڵ و ده‌چیت بۆلای، کاتێک که‌ یاره‌ کۆنه‌که‌ی شەهریار پێ ده‌نێته‌ نەخۆشخانەوە‌ له‌و کاته‌دا شەهریار خه‌وتوە به‌ڵام ده‌نگی پێ و هه‌نگاوه‌کانی کۆنه‌یارەکەی ده‌ناسێته‌وه‌ و له‌ خه‌و هه‌ڵده‌ستێت، کاتێک کە یاره‌که‌ی ده‌رگای ژوره‌که‌ی ده‌کاته‌وه‌ شه‌هریار ئه‌م شیعره‌ به‌ ناوبانگه‌ی که‌ جێگای شانازی ئه‌ده‌بیاتی فارسیه‌ بۆ ده‌ڵێت:

هاتی گیانم به‌ فیدات به‌ڵام ئێستا بۆ
بێوه‌فا ئێستا که‌ من له‌ په‌ل پۆ که‌وتوم بۆ؟
ده‌رمانی ئازار شکێنی و دوای مه‌رگی زۆراب هاتی
دڵ ڕه‌ق کە ئەتویست‌ زوتر بێیت ئیستا بۆ؟
ته‌مه‌نی من به‌شی ئه‌مڕۆ و به‌یانی تۆ ناکا
من که‌ ئه‌مڕۆکه‌ میوانی تۆم به‌یانی بۆ؟
نازداره‌که‌م من به‌ نازی تۆوه‌ گه‌نجێتیم بەخشی
ئیستا ئیتر له‌گه‌ڵ گه‌نجه‌کاندا ناز بکه‌ ئیتر من بۆ؟
ئێستا که‌ به‌و ته‌مه‌نه‌ کورت و بێ بەهاوە
بەو هەمووە‌ بێ ئاگایی یە له‌ حاڵی من، شه‌یدای بۆ؟
ئاسمان وەک‌ کۆڕی عاشقان خه‌مبار ده‌کات
لام سه‌یره‌ ناکەومە سەرپێ، دنیا‌ بۆ؟
شهریار که‌ به‌ بێ یاره‌که‌ت نه‌ت ده‌کرد سه‌فه‌ر
سه‌فه‌ری ڕێگا بەبێ هاودەم به‌ ته‌نیا ده‌که‌یت بۆ؟
بێ هاودەم و تەنها بۆ ؟
تەنها بۆ ؟ ئێستا بۆ ؟

هۆنراوەکە بە فارسی:
آمدی جانم به قربانت ولی حالا چرا ؟
بی وفا، بی وفا حالا که من افتاده ام از پا چرا ؟
نوشدارویی و بعد از مرگ سهراب آمدی
سنگدل این زودتر می خواستی حالا چرا ؟
عمر ما ار مهلت امروز و فردای تو نیست
من که یک امروز مهمان توام فردا چرا ؟
نازنینا ما به ناز تو جوانی داده ایم
دیگر اکنون با جوانان نازکن با ما چرا ؟
وه که با این عمر های کوته بی اعتبار
این همه غافل شدن از چون منی شیدا چرا ؟
آسمان چون جمع مشتاقان ، پریشان می کند
درشگفتم من نمی پاشد ز هم دنیا چرا ؟
شهریارا بی حبیب خود نمی کردی سفر
این سفر راە قیامت می روی ، تنها چرا
راه عشق است این یکی بی مونس و تنها چرا ؟
بی مونس و تنها چرا ؟
تنها چرا ؟ حالا چرا؟
27/2/2017


ئەم بابەتە 183 جار خوێندراوەتەوە