كۆبوونەوەی سەرپەرشتیاری گشتیی فێستیڤاڵ و بنكەی گەلاوێژ

سەر لەئێوارەی رۆژی دووشەممە 11/3/2018 ، لیژنەی باڵای فێستیڤاڵی گەلاوێژ لەگەڵ بەرێز كاك مەلابەختیار سەرپەرشتیاری گشتیی فێستیڤاڵ كۆبوونەوە، لەو كۆبوونەوەیەدا بەراوێژ لەگەڵ كاك مەلابەختیار سەرجەمی خۆئامادەكردنەكان تاوتوێ‌ كران و بریار لەسەر زۆربەی بەش و چالاكییەكانی بیستویەكەمین فێستیڤاڵی روناكبریی گەلاوێژ درا، لەلایەكی تر جەخت لەسەر ئەو خاڵە كرایەوە كە ئەمساڵ بەهۆی ناهەمواریی بارودۆخی سیاسی و خراپیی باری ئابووری و نەبوونی بودجە، ناچار بووین كە فێستیڤاڵ بكەین بە سێ‌ رۆژ و ژمارەیەكی زۆر كەم میوان لە دەرەوەو ناوەوە داوەت بكەین، هەروەها ناچار بووین بڕی پارەی براوەكانی خەڵاتی یەكەم و دووەم و سێیەمی بواری لێكۆڵینەوەو شیعرو چیرۆك كەم بكەینەوە، هەروەها پاداشتی هەڵسەنگێنەرانی پێشبڕكێكە، بە بەراورد بە ساڵانی پێشوو، ئەویش كەم بكەینەوە. بەڵام لەهەموو حاڵەتێكدا مەبەستمان ئەوەیە كە فێستیڤاڵ نەوەستێت، ئەگەر بە بودجەیەكی كەمیش بێت، بكرێت باشترە لەوەی بوەستێت.

شایانی باسە بیستویەكەمین فێستیڤاڵی روناكبیریی ئەمساڵ لە رۆژانی پێنج شەممەو هەینی و شەممە رێكەوتی 5 و 6و و7ی /4/2018 لە هۆڵی تەوار ساز دەكرێت، دروشمی ئەمساڵ بریتییە لە: (بەرەو تێپەڕاندنی چوارچێوە داخراوەكان)، هەروەها رۆژی دووەم تەرخان كراوە بۆ لێكۆڵینەوەی عەرەبی و فارسی بۆ گفتوگۆكردن دەربارەی تەروەری (وەرگێڕانی ئەویدی لەرووی كولتورییەوە) كە ژمارەیەك نووسەری مەغریب و میسرو تونس و نوسەرانی شاری بەغدا و هەروەها نوسەرانی ئێران بابەتەكانیان پێشكەش دەكەن.


ئەم بابەتە 10 جار خوێندراوەتەوە
بابەتی لەیەکچوو