چیرۆکی مەڕە ڕەشەکان

نووسینی: هاینریش بۆل

وەرگێڕانی لە ئەڵمانییەوە: عەبدولغەنی کاکۆ

 

لەخوێندنەوەی ئەم چیڕۆکەدا ئەو پرسیارەمان لەلا دروست دەبێت کە ئاخۆ ئێستا چەند مەڕی ڕەش لە بەرگی دەمڕاست وسیاسەتمەدار و سیاسەتباز لەسەر پاوانی سادەیی و دڵپاکی ئەو خەڵکەدا دەلەورێن و بە ئاسانی هەستیان پێ ناکرێت؟

ئەم چیڕۆکە یەکێکە لە چیرۆکە هەرە بەناوبانگەکانی نووسەری ئەڵمانی هاینریش بۆل و خەڵاتی گرووپی ٤٧ ی ئەڵمانی پێ بەخشراوە. چیرۆکەکە باس لەو چەشنە مرۆڤانە دەکات کە بە خەسڵەتێکی تەواو جیاواز لەناو خانەوادەو کۆمەڵگەکەی خۆیاندا دەژین و هەڵس و کەوت و شێوەی ژیانیان لە کەسانی سروشتیی دەوروبەری خۆیان ناچێت. مەڕی ڕەش هێمایە بۆ ئەو جیاوزییە. بەڵام بۆل لەم چیڕۆکەدا بە شێوەیەکی تر لەو جیاوازییە دەدوێت، ئەو دەیەوێ بڵێت هەموو جارێك جیاوازییی و خۆ جیاکردنەوە لەگەڵ دەوروبەر شوێنی قبوڵکردن نیە، زۆر جار مرۆڤە جیاوازەکان دەبنە مایەی سەرئێشەو کێشەو گرفت بۆ دەوروبەری خۆیان ، قبووڵکردنی ئەو جۆرە جیاوزییە ڕێگە بۆ کەسانی گەندەڵ وهەڵپەرست خۆش دەکات کە لەپەنای چاوپۆشی لێکردنیان لەلایەن کۆمەڵگەوە وەک ئامێرێکی بێخێر تەمبەڵ و مشەخۆرانە لەسەر جەستەی کۆمەڵگایەک بژین. ئەو جۆرە جیاوازییەی بۆل لێرەدا لێی دەدوێت ئەو جۆرە جیاوزییە نیە کە بە ئامانجی ڕەخنەگرتن لە داب و نەریتی ڕزیوو سیاسەتی هەڵەی دەسەڵات لە چەشنی یاخیبوون و ڕووبەڕووبوونەوە، یان بە ئامانجی ئاڕاستەکردنی گۆڕین و بەرەوپێشەوبردنی کۆمەڵگە خۆی بخاتەڕوو، بەڵکو جیاوزییەکە لەسەر بناخەیەکی ساختە و مشەخۆرانە، بە تەمبەڵی و تەوزەلی سوود لە سادەیی و سۆزی خەڵک وەردەگرێ. مەڕە ڕەشەکان ئەو جۆرە کەسانەن.

لێرەوە دەبێ لەخۆمان بپرسین ئاخۆ ئێمە لە ژیانی خۆماندا دەبێ چەندین جار کەوتبینە (یان بکەوینە) ناو تەڵەی مەڕە ڕەشەکانەوە؟


ئەم بابەتە 15 جار خوێندراوەتەوە
بابەتی لەیەکچوو