ئێواره‌یه‌

ژاوێن شاڵی
Feb 7, 2019

ئێواره‌یه‌
 هه‌وای ئه‌م شاره‌ به‌ستوویه‌تی
 منیش، كه‌ چاكه‌تی شه‌وم له‌ خۆم داكه‌ندوه‌ و
 رووت
 ته‌نیا
 تاریك
 به‌ خۆم و ئۆتۆمبێلێك خه‌ونه‌وه‌ به‌سه‌ر ژیاندا وه‌رده‌گه‌ڕێین
 
 كاتژمێر ده‌بێته‌ شه‌و
 شه‌قامی ٩ به‌ره‌و ئۆهایۆ ده‌ستم ده‌گرێت
 سووكان له‌ده‌ستم به‌ر ده‌بێت و
 رووت
 ته‌نیا
 تاریك
 به‌خۆی و ئۆتۆمبێلێك خه‌ونه‌وه‌
 ژیان به‌سه‌رمدا وه‌رده‌گه‌ڕێت
 
 نیوه‌شه‌وه‌
 هۆشم له‌ ٨ی ئێواره‌ی به‌رده‌م ترافیك، به‌ته‌نیشت سه‌یاره‌ی پۆلیسه‌وه‌ جێ ده‌مێنێت
 خه‌تابارییت به‌گوێ گرتن له‌ شیعر، تۆ پێم ده‌ڵێیت و
 جاده‌ به‌ ڤۆدگای جوانییه‌ك له‌ده‌نگی تۆ و قورئان و شیعر و رۆمانسییه‌تێكی به‌داخ
 سه‌رخۆش ده‌بێت
 
 بوومه‌ڵێڵه‌‌، به‌ئه‌ته‌گێكی سپییه‌وه به‌ره‌و جێگه‌كه‌ت‌ ده‌ست ده‌كوتیت، ماڵ ونده‌كه‌یت.
 ئه‌ڤینیش كه‌ ئاوێنه‌یه‌كه‌ به‌رله‌وه‌ی خۆت نیشان بدات بۆ شكان سه‌نگه‌رت لێده‌گرێت
 ده‌چیته‌وه‌ كتێبخانه‌‌، مه‌یخانه‌كان له‌بیرده‌كه‌یت