كتێبى وانه‌كانى ژيانم بڵاوكرايه‌وه‌

ده‌رباره‌ى چاپى سێيه‌مى وانه‌كانى ژيانم

وانه‌كانى ژيان كتێبێكى دكتۆر عه‌لى وه‌رديه‌ و له‌ لايه‌ن دكتۆر نه‌وزاد ئه‌حمه‌د ئه‌سوه‌ده‌وه‌ كراوه‌ به‌ كوردى و ده‌زگايى جه‌مال عيرفان بۆ جارى سێيه‌مه‌ چاپ و بڵاوى ده‌كاته‌وه‌.

ده‌رباره‌ى دكتۆر عه‌لى وه‌ردى

كۆمەڵناس و مێژوونوسی ناوداری عێراقی دكتۆر عەلی وەردی (1913-1995) لەشاری بەغدا لە كازمیە لەدایك بووە، لەقۆناغی دواناوەندیدا لەسەر ئاستی هەموو عێراق یەكەم بووە، بۆیە لەسەر حیسابی دەوڵەت نێردراوە بۆ زانكۆی ئەمریكی لە بەیروت، لەساڵی 1943 بەكالۆریۆسی لە سۆسیۆلۆجیا لە زانكۆی ئەمریكی لە بەیروت تەواو كردووە، لەساڵی 1948 ماستەری لە سۆسیۆلۆجی لەزانكۆی تكساسی ئەمریكی وەرگرتووەو ناونیشانی نامەی ماستەرەكەی بریتییە لە: (لێكۆڵینەوەیەك لە سۆسیۆلۆجیای ئیسلام)، لەساڵی 1950دا دكتۆرای لە سۆسیۆلۆجی لە زانكۆی تكساس لە ئەمریكا بەدەست هێناوەو ناونیشانی تێزی دكتۆراكەی : (تیۆری مەعریفە لای ئیبن خەلدون)ه‌.
پاشان گەڕاوەتەوە بۆ عێراق، لەسەرەتای پەنجاكانەوە تا ساتی خانەنشینی لەساڵی 1970 لەكۆلێجی ئەدەبیاتی زانكۆی بەغدا وانەی سۆسیۆلۆجیای وتۆتەوە. لەماوەی پتر لە نیو سەدەی ژیانی زانستی و نووسیندا كۆمەڵێ‌ كتێبی زۆر گرنگی چاپكردووە، لەوانە: خوارق اللاشعور 1951، كەسایەتیی تاكی عێراقی 1950،گاڵتەجاڕیی ئەقڵی بەشەری 1954، واعیزی سوڵتانەكان 1955، ئەفسانەی ئەدەبی بڵند 1957، خەون لەنێوان زانست و باوەڕدا 1959، لۆجیكی ئیبن خەلدون 1962، لێكۆڵینەوە لە سروشتی كۆمەڵگەی عێراقی 1965، چەند نیگایەكی سۆسیۆلۆجی لەمێژووی نوێی عێراق 1969، و زۆری تریش كە زوربەیان وەرگێڕدراون بۆ زمانە ئەوروپی و خۆرهەڵاتییەكان و هەندێكیان بۆ زمانی كوردی وەرگێڕدراون.

سەرچاوە: سایتی چاودێر


ئەم بابەتە 15 جار خوێندراوەتەوە
بابەتی لەیەکچوو