كۆبوونوەی دەستەی بەڕێوەبەر

Oct 3, 2017

 دەربارەی كارەكانی بیستویەكەمین فێستیڤاڵی گەلاوێژ

رۆژی دووشەممە رێكەوتی 2/10/2017 كۆبوونەوەی دەستەی بەڕێوەبەری بنكەی روناكبیریی گەلاوێژ دەربارەی كارەكانی بیستویەكەمین فێستیڤاڵی گەلاوێژ بەڕێوەچوو، گفتوگۆ دەربارەی ئاستەنگەكانی بەردەم هاتنی میوانە بیانییەكان كرا بەهۆی داخستنی فرۆكەخانەكانی هەرێمی كوردستانەوە، كە دەشێت لە ئەگەری نەهاتنیاندا نیگەران بین، بەتایبەتی میوانەكانی روسیاو وڵاتانی عەرەبی، هەروەها كۆمەڵێ‌ نووسەری عەرەب دەستنیشانكران بۆ گفتوگۆ دەربارەی تەوەری (وەرگێڕانی ئەویدی لەڕووی كولتوورییەوە- ترجمە اڵاخر ثقافیا)، كە لەتەك نووسەرانی ئێرانیدا لەسەر هەمان تەوەر قسە دەكرێت. هەندێك لەو نووسەرە عەرەبانەی كە بەر لە 25/9/2017 رەزامەندییان بۆ ئامادەبوون لە فێستیڤاڵ نیشان دابوو: لە میسر: رفعەت سەلام و فاتمە ناعوت، لە مەغریب: ئیكرام عەبدی و فەرید زاهی، لە بەیروت: هەڤاڵ یوسف و ئیمان حەمیدە و یمنی العید (هێشتا بەتەواوی بریاری نەداوە)، لەهەوڵ بەردەوامیشداین بۆ بانگهێشتكردنی هاشم ساڵح، لە زانكۆی موسڵیش د. بشری البستانی و بێگومان لە بەغدا و شارەكانی تریش. هەروەها ئامادەكاری كراوە بۆ پیشانگەی كتێب و پیشانگەی شێوەكاری و پێشبڕكێی ئەدەبی لە بواری شیعر و چیرۆك و لێكۆڵینەوەدا.