کاژێر (5)ى ئێوارەى رۆژی شەممە 24/8/2019 لە  کۆڕی ناساندن و واژۆکردنی نوێترین کتێبی نوسەر (دارا محەمەد) بە ناونیشانی (فرەیی جیهانبینییەکان و خوێندنەوە فەلسەفییە – سیاسییەکان) کە کۆمەڵێک وتار و دیدارە لە دەزگای رۆشنبیریی جەمال عیرفان بەڕێوەدەچێت.

لەو کتێبەکەدا نوسەر دەڵێت: " ئه‌و وتارانه‌ی له‌م کتێبه‌دا کۆکراونه‌ته‌وه‌ به‌شێکن له‌و وتارانه‌ی که‌ له چه‌ند‌ شوێنێکی جیاجیادا بڵاوبوونه‌ته‌وه‌و له‌ کۆتایی هه‌ر وتارێکدا شوێن و کاتی بڵاوکردنه‌وه‌یان نوسراوه‌، ئه‌مه‌ش به‌ مه‌به‌ستی خوێندنه‌وه‌ی ئه‌م وتارانه‌ له‌ کۆنتێکستی خۆیانداو، به‌ڵام له‌ هه‌مانکاتیشدا وردبونه‌وه‌یه‌‌ له‌وه‌ی که‌ تاچه‌ند به‌شێک له‌و ئارگیومێنتانه‌ هێشتا کارده‌که‌ن و هه‌روه‌ها هه‌ندێکی تر له‌ وتاره‌کان و دیداره‌کان بێگومان ده‌که‌ونه‌ ده‌ره‌وه‌ی کۆنتێکستێکی کاتیی و شوێنی.."

د. دارا محەمەد لە چەند دێرێکدا:

- له‌ ساڵی ١٩٦٨ له‌ سلێمانی له‌ دایکبووه.

- به‌شی فه‌لسه‌فه‌ی له‌ زانکۆی به‌غداد ته‌واوکردووه.

- هه‌ڵگری دوو ماسته‌ره‌ (MA، MPhil) له‌ بواری فه‌لسه‌فه‌دا له‌ زانکۆی (Birkbeck، University of London).

- له‌ ئێستاشدا مامۆستایه‌ له‌ زانکۆی (SOAS) له‌ له‌نده‌ن.

- هه‌ڵگری بڕوانامەى دکتۆرایه‌ له‌ فه‌لسه‌فه‌و بیری سیاسیدا له‌ زانکۆی (LUISS) له‌ رۆما و هه‌روه‌ها له‌ زانکۆی (King’s College London).

- خاوەنى کۆمەڵێک نووسینە لە بوارەکانى فەلسەفە و زانستە سیاسییەکان و توێژینەوەکانى خۆرهەڵاتى ناوەڕاست بەزمانى ئینگلیزى.

- خاوەنى چەندین وتار و نووسینە لە ڕۆژنامە و گۆڤارە کوردییەکاندا.

- کۆتایی ساڵی ١٩٩٩ کوردستانی به‌جێهێشتووه‌ و له‌ به‌ریتانیا نیشته‌جێبووه‌.‌