Hawler.jpg

هەولێر، دووەمین فێستیڤاڵی کوردستان بۆ میوزیک و گۆرانی سازدەکرێت

وا بڕیارە بەیانى 18/11/2019، کاژێر (5)ى ئێوارە لە هۆڵی رۆشنبیری دووەمین فێستیڤاڵی کوردستان بۆ میوزیک وگۆرانی لە شاری هەولێر بەسەرپەرشتی بەڕێوەبەرایەتی رۆشنبیری و هونەری هەولێر سازبکرێت و بۆ ماوەى (3) رۆژ بەردەوام بێت.

واش بڕیارە ئەمساڵ بە بەشداری گرووپی میوزیکی هەرچوارپارچەی کوردستان و کوردانی تاراوگە، دووەمین فێستیڤاڵی کوردستان بۆ میوزیک و گۆرانی ئەنجامبدرێت، کە (8) گرووپی میوزیک نوێترین گۆرانی و میوزیکی کوردی لە رۆژانى فێستیڤاڵ پێشکەش بکەن".

سایتى گەلاوێژ زایویەتى لە باکورى کوردستان گرووپی میوزیکی سەرحەدێ و لە رۆژهەڵاتی کوردستان گرووپی میوزیکی رووناک، لە رۆژئاوای کورستان گرووپی میوزیکی کۆما سەرخۆبوون و لە باشووری کوردستانیش گرووپی میوزیکی دهۆک، کەرکووک، سلێمانی ، هەولێر و هەڵەبجە بەشدارى فێستیڤاڵەکە دەبن". 


ئەم بابەتە 67 جار خوێندراوەتەوە