Shano.jpg

شەشەمین فێستیڤاڵى نێودەوڵەتى هەولێر بۆ شانۆ سازدەکرێت

بەڕێوەبەرایەتى گشتى رۆشنبیرى و هونەرى هەولێر، بەڕێوەبەرایەتى هونەرى شانۆ شەشەمین فێستیڤاڵى نێودەوڵەتى هەولێر بۆ شانۆ سازدەکات.

نوسەر و شانۆکار (نیهاد جامى) لە تاراوگە و لە دورى وڵات لە واڵى تایبەتى خۆى هەواڵى ئەنجامدانى شەشەمین فێستیڤاڵى نێودەوڵەتى هەولێر بۆ شانۆ راگەیاند، هاوکات لەگەڵیدا وێنەى پۆستەرى فێستیڤاڵەکەى بڵاوکردۆتەوە بەپێى وێنەکە، وا بڕیارە لە رۆژى 10/12/2019 فێستیڤاڵ ئەنجام بدرێت و تاکو تاکو رۆژى 16/12/2019 بەردەوام بێت.

هەروەک کورتە نوسینێکى بۆ هەولێر و فێستڤاڵی شانۆ نوسیووە.

دەقى نوسینەکەى شانۆکار نیهاد جامى:

هەولێر و فێستڤاڵی شانۆ

لەکەرکوک لەدایک بووم هێشتا مناڵ بووم کاتێک ماڵمان هاتە هەولێر ورێک لەگەرەکی کوران گیرساینەوە، رەحلەکانی قوتابخانەی دیجلە لەم شارە فێری خوێندنەوەی کردم و وارێککەوت رەوانشاد رۆستەم باجەلان مامۆستامان بوو زیاتر کتێب و ئەدەبیاتی لا خۆشەویست کردین، بووم بە هەرزەکار و عاشق و خەونەکانم هەر لەو شارە دەستی پێکرد، سەرەنجام لەو شارە بووم بە شانۆکار و دوای چەند ساڵێک دیسان لەهەولێر بوو کاتێک خەلاتی باشترین دەرهێنەدی شانۆییم وەرگرت ولەو شارە شانۆمان نمایشکرد تا ئەو رۆژەی گەرامەوە کەرکوک، بەر لەوەی سەفەری ئەوروپاش بکەم دوو کاری شانۆیی ترم لەهەولێر نمایشکرد، هاوکاری تەواوی خولەکانی فێستڤالی نیَودەولەتی هەولێر بووم، بەتایبەت لەدەرکردنی گۆڤاری تیاتەر، ئێستاش کە بۆ دووەم خولی ئەو فێستڤالەیە من لەوێ نیم و کارەکان وەک نەریت درێژەی هەیە، یەکێکە لەو دیاردە جوانانەی کە شانازی پێوە دەکەم و هەمیشە پێی دلخۆشم، ئومێد دەکەم هەولێر پر بێت لەشانۆ و شانۆ لەو شارە ببێت بە کولتوور، چونکە لەژیانی شانۆییمدا هەمیشە خۆم بەقەرزاری شانۆی ئەو شارە دەزانم، تورەم کردن هاوارم کرد سەرەنجام کە رۆژێکی نوێ هەلهات بەتەنیشت یەکەوە لەسەر کورسی هۆلی گەل دانیشتین بۆ سەیرکردنی نمایشێکی شانۆیی.


ئەم بابەتە 158 جار خوێندراوەتەوە