هونەرمەندى دورە وڵات ئەمەل سەعید کوردە نوێترین گۆرانی خۆی تۆمار دەکات.

بەپێى سەرچاوەکانى هەواڵ، هونەرمەندى کورد ئەمەل سەعید کوردە گۆرانى ئاهێک بۆ منداڵی لە ئاوازى (سەڵاح رەئوف) و شیعری (کاوە حسێن) تۆمار دەکات.

وڵاتى بەریتانیا و کوردستان شوێنى ئەنجامدانى کلیپى گۆرانیە نوێکەى ئەمەلە و هەریەکە لە وێنەگران (ئاسۆ حەسەن و سۆران سۆرانی) کارى وێنەگرتنى کلیپەکەیان ئەنجامداوە.

ئەمەل سەعید کوردە لە چەند دێرێکدا:

- لە شاری کەرکوک لەدایکبووە.

- لە ساڵانى نەوەدەکان سەدەى رابردوو دەستى بەکارى هونەرى کردووە.

- دەرچووی بەشی میوزیکی پەیمانگای ھونەرەجوانەکانی سلێمانییە.

- لە قۆناغی یەکەمی خوێندنی لە پەیمانگەدا چووەتە سەر تەختی شانۆ و کاری کردووە.

- لە زۆربەی کار و چالاکی و فێستیڤاڵەکانی پەیمانگە و یادی ئەنفال و هەڵەبجە و راپەرین و بۆنەکان بەشداریکردووە.

- لە سەرەتادا لەگەڵ کۆمەڵەی هونەرە جوانەکانی سلێمانی دەرکەوتووە.

- یەکەم گۆرانیی تایبەتى بۆ تیڤی بەناوی (دەریا) تۆمارکردووە.

- ساڵی 2004 رووی کردووەتە هەندەران و لە بەریتانیا دەژێت.

- خاوەنى بڕوانامەى بەکالۆریۆسە لە زانکۆى لەندەن بەناوی (بریقەیەکی کوردی لە موزیکی جازدا)، کە  کلتووری کوردی و بیانی تێکەڵکردووە.

- چەندین ڤیدیۆ کلیپ و ئەلبومى گۆرانى بڵاوکردۆتەوە.

- لە ئێستادا بەرهەمهێن و پێشکەشکاری بەرنامەی (مرواریەکانی غوربەت)ە لە لەندەن.

ئەم بابەتە 74 جار خوێندراوەتەوە