Garmayn.jpg

ناوه‌ندی رۆشنبیری ئه‌دیب و نوسه‌رانی که‌لار دامه‌زرا

بە مەبەستى بره‌ودانه‌ به‌ لایه‌نی رۆشنبیری و ئه‌ده‌ب و نوسین به‌ گشتی له‌ که‌لار، ناوه‌ندی رۆشنبیری ئه‌دیب و نوسه‌رانی که‌لار دامه‌زرا .

لە چەند رۆژى رابردوودا ستافی ناوه‌ندی رۆشنبیری و ئه‌دیب و نوسه‌رانی که‌لار سه‌ردانی سه‌رپه‌رشتیاری ئیداره‌ی گه‌رمیانیان کرد، مەبەست لە سەردانەکەش تیشک خسته‌سه‌ر به‌رناو کاری داهاتوویان، چونکە لە ئێستادا به‌فه‌رمی مۆڵه‌تی ناوه‌نده‌که‌ هاتووه‌ته‌وه‌، لێره‌ به‌دواوه‌ ده‌ست به‌کاره‌کانیان ده‌که‌ین.

ناوه‌ندی رۆشنبیری ئه‌دیب و نوسه‌رانی که‌لار  لە سەرەتاى کارەکانیان گرنگى بە‌ لایه‌نی رۆشنبیری و ئه‌ده‌ب و نوسین به‌ گشتی له‌ که‌لار دەدەن، هه‌روه‌ک دەیانەوێت ناوەندەکە ببێتە ماڵێک بۆ کۆبونه‌وه‌ی نوسه‌ران و گه‌شه‌پێدانی تواناکانیان، هەروەها کارکردن بۆ ئەوەى گەنجان ئاشنا بکات به‌ نوسین و کایه‌ی رۆشنبیری.

وا بڕیارە ده‌ستپێکی کاره‌کانیان ناساندنی ناوه‌نده‌که‌یان بێت بۆ ئەم مەبەستەش کۆنفرانسێک‌ له‌ بواری ئه‌ده‌ب و رۆشنبیری له‌سه‌ر ئاستی چوار پارچه‌ی کوردستان ئەنجامدەدەن.


ئەم بابەتە 79 جار خوێندراوەتەوە