Zankoy_Slemany.png

ناوەندی کوردستان لە زانکۆی سلێمانی 11 کتێب بڵاودەکاتەوە

ناوەندی کوردستان لە زانکۆی سلێمانی زنجیرەیەک کتێبی بەڵگەنامەیی و توێژینەوە بڵاودەکاتەوە، کە سەرجەمیان (11) کتێبن بە زمانەکانی کوردی و عەرەبی و فارسی نوسراون و تایبەتن بە توێژینەوەی زانکۆیی، ساغکردنەوەی ئەرشیفى،  مێژوویی، سیاسی، ئاینی و رۆژنامەنووسیى گەلی کوردەوە.

بەپێی هەواڵێک کە واڵى تایبەتى ناوەندەکە لە لە تۆڕى کۆمەڵایەتى فەیسبووک هاتووە "ئەم کتێبانە بەپاڵپشتی سەرۆکایەتی زانکۆی سلێمانی ئامادە کراون، چاپکردنیان لەقۆناغی کۆتاییدایە و سەرجەمیشیان هەوڵێکن بۆ پێشکەشکردنی خوێندنەوەیەکی کوردانە لەبارەی کولتوور و مێژوو و بەڵگەنامەکانی پەیوەست بە کورد و کوردستانەوە".

دەقى نووسینى ناوەندەکە لە بارەى ئەم پڕۆژەیە بخوێنەوە:

ناوەندی کوردستان لە زانکۆی سلێمانی زنجیرەیەک کتێبی بەڵگەنامەیی و توێژینەوە بڵاودەکاتەوە

ناوەندی کوردستان بۆ دۆکیۆمێنت و لێکۆڵینەوەی ئەکادیمی 11 کتێبی جۆراوجۆر بە زمانەکانی کوردی و عەرەبی و فارسی بڵاو دەکاتەوە کە سەرجەمیان توێژینەوەی زانکۆیی و ساغکردنەوەی ئەرشیفیین و پەیوەستن بە مێژووی سیاسی، کۆمەڵایەتی، ئاینی، زارەکی و رۆژنامەوانی گەلی کوردەوە.

ئەم کتێبانە بەپاڵپشتی سەرۆکایەتی زانکۆی سلێمانی ئامادەو چاپکراوە، لە ئێستاشدا کاری چاپکردنیان لەقۆناغی کۆتاییدایە، سەرجەمیشیان هەوڵێکن بۆ پێشکەشکردنی خوێندنەوەیەکی کوردانە لەبارەی کلتور و مێژوو بەڵگەنامەکانی پەیوەست بە کورد و کوردستانەوە و بەشێکن لە ئەرکی ناوەندی کوردستان کە پەرەپێدانی لێکۆڵینەوەی ئەکادیمی زانستی و بەدواداچوونی بەڵگەنامەو ئەرشیفە.

ئەم زنجیرە کتێبە لەم ناونیشان و بابەتانەی خوارەوە پێکدێن:

1-  دڵشاد مەحموود عەبدولڕەحمان، بارودۆخی کۆمەڵایەتی شاری کەرکوک (1925-1957)،چاپی یەکەم، ناوەندی کوردستان بۆ دۆکیۆمێنت و لێکۆڵینەوەی ئەکادیمی/ زانکۆی سلێمانی، سلێمانی، 2019.

2-  ئاشتی ڕەحمان بەکر، هەولێر لە سەردەمی عوسمانییەکاندا(سەدەکانی 18-19)، چاپی یەکەم، ناوەندی کوردستان بۆ دۆکیۆمێنت و لێکۆڵینەوەی ئەکادیمی/ زانکۆی سلێمانی، سلێمانی، 2019.

3-  هەورامان فەریق کەریم، یادەوەری و دادپەروەری (شانزەی سێ لە کۆیادەوەری هەڵەبجەییەکاندا)، چاپی یەکەم، ناوەندی کوردستان بۆ دۆکیۆمێنت و لێکۆڵینەوەی ئەکادیمی/ زانکۆی سلێمانی،سلێمانی، 2019.ط

4-  خانەقین لە بەڵگەنامەکانی ئێراندا، ئامادەکردن: کاروان عوسمان خەیات، وەرگێڕان: جووتیار نەریمان، چاپی یەکەم، ناوەندی کوردستان بۆ دۆکیۆمێنت و لێکۆڵینەوەی ئەکادیمی/ زانکۆی سلێمانی، سلێمانی، 2019.

5- ڕۆژنامەی باسەڕە 1942، خاون و سەرنوسەر: شاکر فەتاح، لێکۆڵینەوە و ئامادەکردن: هۆگر ستار قەمەری و بەختیار شەریف قوربانی،چاپی یەکەم، ناوەندی کوردستان بۆ دۆکیۆمێنت و لێکۆڵینەوەی ئەکادیمی/ زانکۆی سلێمانی، سلێمانی، 2019.

6-  سەیید عەبدولڕەحمان سەیادەت، ڕۆڵ و پێگەی حاجی بابەشێخی سەیادەت لە ڕووداوە کۆمەڵایەتی و سیاسییەکانی کوردستاندا، چاپی یەکەم، ناوەندی کوردستان بۆ دۆکیۆمێنت و لێکۆڵینەوەی ئەکادیمی/ زانکۆی سلێمانی، سلێمانی، 2019.

7-  بیبلۆگرافیای نامەکانی مەلا عەبدولکەریمی مودەڕیس، لێکۆڵینەوە و ئامادەکردن: عەدنان عەبدولقادر هەورامی، چاپی یەکەم، ناوەندی کوردستان بۆ دۆکیۆمێنت و لێکۆڵینەوەی ئەکادیمی/ زانکۆی سلێمانی، سلێمانی، 2019.

8- سۆران بەها ئەحمەد، کشتوکاڵ و خۆراک لە هەرێمی چیا لە سەدەی (چوارەمی کۆچی/ دەیەمی زایینی)دا، چاپی یەکەم، ناوەندی کوردستان بۆ دۆکیۆمێنت و لێکۆڵینەوەی ئەکادیمی/ زانکۆی سلێمانی، سلێمانی، 2019.

9- صالح أمیر عزیز، أعلام علماء الكورد و مصنفاتهم فی السنة خلال القرون السادس و السابع و الثامن للهجرة، طبعة الاولی، مركز كردستان للتوثيق و الدراسات الاكاديمية/ جامعة السليمانية، سليمانية، 2019.

10- یاسین طە محمد، الأديان و المذاهب و العقائد في كردستان خلال العصر الوسيط الاسلامي، طبعة الاولی، مركز كردستان للتوثيق و الدراسات الاكاديمية/ جامعة السليمانية، سليمانية، 2019.

11-  هَردی مهدی میکه، سیاست ایران در قبال کُردها، چاپ اول، مرکز اسناد و پژوهش¬های آکادمیک کردستان/ دانشگاه سلیمانیە، سلیمانیه، 2019.

ناوەندی كوردستان ناوەندێکی بەڵگەنامەیی- دیکۆمێنتکردن و توێژینەوەی ئەکادیمی سەر بە زانكۆی سلێمانییە، كار دەكات لەبوارەكانی دیکۆمێنتکردن، دیکۆمێنتپارێزی، کۆکردنەوەی دیکۆمێنتی ناوخۆ و دەرەوە و ئەرشیفی رۆژنامەوانی کوردستان، دەستنوسەکانی کوردستان (کۆکردنەوە و پاراستن) لەگەڵ کۆکردنەوەی مێژوی زارەکی و ئەنجامدانی توێژینەوە لەم بوارانەو كۆمەڵێك چالاكیتری زانستیی.

ئەم ناوەدە پێشتر هەزاران لاپەڕە بەڵگەنامەی تایبەت بەمێژوی نوێی كورد لە ئەرشیفی نیشتمانی عێراق و ئەرشیفەكانی عوسمانی و ئێرانی گەڕاندوەتەوە بۆ ئەرشیفی خۆی بەمەبەستی پێڕستكردن و هەڵگرتن و ئامادەكردنیان بۆ بەردەستی توێژەران.


ئەم بابەتە 105 جار خوێندراوەتەوە