Hama_xafwr.jpg

کتێبی ئاوی ئاشی شۆڕش بڵاودەکرێتەوە

لە مەراسیمێکدا کتێبی (ئاوی ئاشی شۆڕش، شەهیدی سەرکردە حەمەغەفور ئاغجەلەری) بڵاودەکرێتەوە.

وا بڕیارە رۆژی دووشەممە 16/12/2019 کاژێر (3)ی پاشنیوەڕۆ لە مۆزخانەى ئەمنە سوورەکە لە شارى سلێمانی، رۆژنامەى کوردستانی نوێ و خانەوادەی شەهیدی سەرکردە حەمەغەفور ئاغجەلەری، رێوڕەسمێک بۆ ناساندن و بڵاوکردنەوەی کتێبـی (ئاوی ئاشی شۆڕش، شەهیدی سەرکردە حەمەغەفور ئاغجەلەری) رێکبخەن.

کتێبەکە لە دووتووێی (192) لاپەڕەدا چاپکرا، کە یەکێکی ترە لەبڵاوکراوەکانی رۆژنامەى کوردستانی نوێ و سەرکەوت محەمەد غەفور ئاغجەلەری کوڕى شەهید ئامادەیکردووە، بابەتەکانى ناو کتێبەکە خامەی چەند نووسەرێکە کە لە رۆژنامەى کوردستانی نوێ و لە ساڵڕۆژی شەهیدبوونی شەهیدی سەرکردە حەمەغەفور ئاغجەلەریدا بابەتیان نووسیوە دەربارەی لایەنە جیاوازەکانی لەبنەماڵە و لەدایکبوون و ژیانی منداڵیی و لاوی و پێشمەرگایەتی و چۆنییەتی شەهیدکردنی حمە غەفور ئاغجەلەری، ئەم پەرتوکە سەرەتایەکە بۆ نووسینی بابەتی فراوانتر دەربارەی ئەو شەهیدە.


ئەم بابەتە 232 جار خوێندراوەتەوە