xud1.jpg

خود، کۆمەڵگە و دژەکانیان

كتێبى خود، كۆمه‌ڵگه‌و دژه‌كانيان

كتێبێكى نوێى نووسه‌ر (به‌كر عه‌لى)ه‌ و تيايدا له‌ بواره‌كانى تيۆرى ڕه‌خنه‌يى و ئيستاتيكى و فه‌لسه‌فى ده‌دوێت و نووسه‌ر ده‌رباره‌ى كاره‌كه‌ ده‌ڵێ: لێكدانه‌وه‌يه‌ له‌ تاك، له‌ كۆمه‌ڵ... ئه‌و هێزانه‌ى كۆيان ده‌كاته‌وه‌و ئه‌و هێزانه‌ى لێكيان جيا ده‌كاته‌وه‌.

 ئه‌م کتێبە كه‌ ئێستا له‌ چاپخانه‌يه‌ و له‌لايه‌ن ده‌زگاى چاپ و په‌خشى سه‌رده‌مه‌وه‌ چاپ و بڵاوده‌كرێته‌وه‌. کۆکراوەی چەند وتار و لێکۆڵینەوە و گفتوگۆیەکی تیۆری و فەلسەفی و ئێستاتیکیە، کە هەم تیۆریزەکراون و هەم پراکتیزەکراون لەنێوبەندی فەرهەنگی کوردیدا.

پەرەگرافێک لە وتارێکی ناو کتێبەکەوە:

"هه‌ڵبه‌ت ئه‌مڕۆی دنیای کوردی له‌ڕووی کولتورییه‌وه‌ دۆخێکی ته‌واو نوێی جیاواز ده‌ژێنێت که‌ هه‌رگیز له‌وه‌وبه‌ر نه‌یژیاندووه‌ ، له‌به‌رئه‌وه‌ پێده‌چیت مرۆڤی کورد به‌ ئیراده‌یه‌کی تره‌وه‌ بچێته‌ ناو یاری مێژووه‌وه ، ئه‌مڕۆ ئامۆژگارییه‌کان ئاوه‌ژووکراونه‌ته‌وه‌ له‌به‌رئه‌وه‌ شتێکی لۆگیکییه‌ ئه‌نجامه‌کانیش ئاوه‌ژوو ببنه‌وه‌ .واته‌ ئه‌وسا بۆیه‌ ئێمه‌ ((ڕێکه‌وت)) مێژووی دروست ده‌کردین چونکه‌ غه‌ریزه‌ ناوه‌کییه‌کانمان((ئیره‌یی و خانه‌دڵی)) فێریان نه‌ده‌کردین لاسایی ئه‌وانیتر بکه‌ینه‌وه‌ که‌ له‌خۆمان ((باشتر)) بوون ، به‌ڵام ئه‌مڕۆ ئه‌و ڕه‌مه‌کانه‌ فێرمان ده‌که‌ن لاسایی ئه‌وانه‌ بکه‌ینه‌وه‌ که‌ شتێکیان هه‌یه‌ و ئێمه‌ نیمانه‌ . واته‌ په‌نده‌که‌ گۆڕاوه‌ بۆ: ((ئه‌وه‌ی هاوسێکه‌م هه‌یه‌تی منیش ده‌مه‌وێت هه‌مبێت)).‌‌ ئه‌م ڕسته‌یه‌ بریتییه‌ له‌ مانیفێستی ڕاگه‌یاندنی کولتورێکی نوێ له‌ناو کۆمه‌ڵگای کوردیدا. که‌ ئه‌گه‌ر چیتر ڕه‌وتی مێژوو به‌پێی لۆگیکی ((هۆکار)) و ((ده‌رئه‌نجام)) ڕه‌و بکات ، هه‌روه‌ها عه‌قلێکی دیسپلینساز هه‌بێت ئه‌وا ئیراده‌ی کوردیش ده‌توانێت مێژوو دروست بکات. له‌م ڕووه‌وه‌ تۆماس جێفه‌رسۆن یه‌که‌مین ڕاگه‌یه‌نه‌ری وڵاته‌ یه‌کگرتووه‌کانی ئه‌مریکا له‌ مانیفێسته‌که‌یدا گووتی: ((حکومه‌تی سه‌رکه‌وتوو له‌سه‌ر بنه‌مای ئیره‌یی پێبردن داده‌مه‌زرێت، نه‌ک متمانه)). که‌واته‌ ئیره‌یی که‌ منداڵدانی لاساییکردنه‌وه‌یه‌ بریتییه‌ له‌ بزوێنه‌رێکی پۆزه‌تیڤی هه‌ر کایه‌یه‌ک."


ئەم بابەتە 63 جار خوێندراوەتەوە