Adyban.jpeg

باکوری کوردستان، کۆمه‌ڵه‌ی ئه‌دیبانی کورد دروستکرا

لە شارى دیاربەکر لە باکورى کوردستان ژمارەیەک له‌ نوسه‌رانى شارەکە (کۆمه‌ڵی ئه‌دیبانی کورد)یان دامه‌زراند.

بەمەبەستى گرنگى دان بەبوارى ئەدەبى و روناکبیریى ژمارەیەک لەنوسەر و ئەدیبى شارى دیاربەکر کۆمەڵەى ئەدیبانى کوردیان دامەزراند، دواى ئەوەى داواکاری دروست کردنی ئه‌و کۆمه‌ڵه‌یه‌ له‌ لایه‌ن ئیداره‌ی به‌ڕێوه‌بردنی شاره‌وانی دیاربه‌کر په‌سه‌ند کرا، هاوسه‌رۆکانی ئه‌و کۆمه‌ڵه‌یه‌ دیاریکرا کە پێکهاتوون لە (سوڵتان یارای و هۆگر بێربیر).

سوڵتان یارای بە مێدیاکانى راگەیاند وتى: "به‌هۆی له‌کار لابردنی ئه‌و نوسه‌ره‌ کوردانه‌ی له‌ دوای کوده‌تاکه‌ی تورکیا له‌سه‌ر کاره‌کانیان لابران به‌هۆی یاسای (بڕیار له‌جێی یاسا) به‌ پێویستمان زانی کۆمه‌ڵه‌یه‌ک دروست بکه‌ین بۆ ئه‌وه‌ی کاری نوسه‌ره‌ کورده‌کان پێکه‌وه‌ بن و هاوکاری هه‌بێت له‌ نێوان نوسه‌ره‌ کورده‌کان بۆ پاراستنی ئه‌ده‌بیاتی کوردی".

یاراى ئاماژەى بۆ ئەوە کرد، کە ئامانج له‌و کۆمه‌ڵه‌یه‌ دیالێکته‌کانی سۆرانی و کرمانجیه‌ و چەندین چالاکى و وۆرکشۆپ و پانێڵ و سمینار رێکده‌خه‌ن.


ئەم بابەتە 37 جار خوێندراوەتەوە