Karikater.jpg

تاکو ئێستا هونەرمەندانى 22 وڵات بەشدار دەبن

دواى ئەوەى ناوەندى 7 رەنگە بڕیاریدا دووەمین دیدارى کاریکاتێرى کوردى نێودەوڵەتى لە شارى سلێمانى سازبکات، تاکو ئێستاکە هونەرمەندانى (22) بەرهەمەکانیان بۆ لیژنەى دیدارەکە ناردووە.

هونەرمەند بەختیار سەعید لە واڵى تایبەتى خۆى لە تۆڕى کۆمەڵایەتى فەیسبوک ناوى ئەو وڵاتانەى بڵاوکردۆتەوە کە تا ئێستا بەرهەمەکانیان بۆ لیژنەى دووەمین دیداری نێودەوڵەتی کارتۆنی کوردیدا ناردووە، بەپێى ناوەکان جگە لە هونەرمەندامى هەرێمى کوردستان هونەرمەندانى (22) وڵات بەرهەمیان ناردووە، ناوى وڵاتەکانیش بریتین لە: (نەرویج، سربیا، ئۆكرانیا، هۆڵندا، هندستان، چین، ئێران، مەسەدۆنیا، ئیرلەندا، فلپین، میسر، ئەڵمانیا، ئەندەنوسیا، بوڵگاریا، سربیا، بۆسنە، مۆنتیگرۆ، روسیا، رۆمانیا، عيراق، مةقدؤنيا و سوريا).

دواى ئەوەى ناوەندى 7 رەنگە یەکەمین دیداری نیودەوڵەتی کارتۆنی کوردی بەبەشدارى (47) وڵات ئەنجامدا، وا بڕیارە ئەمساڵیش لە رۆژی 10/4/2020 بە بەشداری کارکاتێرستان لە وڵاتانی جیاوازەوە دووەمین دیدارى خۆى لە ژێرناونیشانى (ئاشتى) سازبکات.

هەروەک لە دروشمى دووەمین دیداردا هاتووە، کە هونەرى کاریکاتێر گشتگیر و هەمەلایەنى ژیانە، هەربۆیە 7 رەنگە وەکو ناوەندێکى هونەرى دووەمین دیدارى کاریکاتێرى کوردى نێودەوڵەتى لە شارى سلێمانى سازدەکات و (ئاشتى) تایتڵى دیدارەکەیەتى کە داخوازییەکى مرۆڤایەتییە.

مەرجەکانى بەشداریکردن:

- کاریکاتێرست دەتوانێت بە (2) کار بەشدار بێت.

- قەباەرى کارەکان (A3) و دیقەى (300DPI) بێت.

- پێویستە کارەکان تازە بن و پێشتر لە هیچ پێشانگە و فێستیڤاڵێک بەشدارى پێ نەکرابێت.

- دوا وادە بۆ وەرگرتنى کارەکانى 1/3/2020 و دواى ئەو وادەیە هیچ کارێک وەرناگیرێت.

- هەرکارێک ئەم مەرجانەى تێدا نەبێت وەرناگیرێت.

- لە دووەمین دیداردا خەڵات بەسەر (3) سێ کاریکاتێرى براوەدا دەبەخشرێت.

- کارەکان دەتوانن بۆ ئەم ئیمەیڵە بنێرن ([email protected]).


ئەم بابەتە 80 جار خوێندراوەتەوە