kanada.jpg

که‌نەدا، ماڵی کورد بۆ چالاکی رۆشنبیری و کلتووری کرایه‌وه‌

کۆمەڵێک هاووڵاتى کورد لە تاراوگە ناوەندێک بۆ چالاکى رۆشنبیرى و کلتورى دەکەنەوە.

لەماوەى رابردوودا بەمەبەستى گرنگیدان بە فێربونى زمانى کوردى و  موزیک و هونەرى شێوەکارى و هەڵپەڕکێى کوردى ناوەندێک بەناوى ماڵى کورد بۆ بۆ چالاکی رۆشنبیری و کلتووری له‌ شاری تۆرونتوی کرایەوە، ناوەندەکە لە کوردانى هەر چوار پارچەى کوردستان پێکهاتووە و پەیڕەوێکى تایبەتیان بۆ کارەکانیان نوسیووە، هەروەک لە پەیڕەوەکەدا هاتووە: که‌ رێکخراوه‌یه‌کی مرۆڤایه‌تییه‌ گرنگی به‌ چالاکی رۆشنبیری کلتووری ده‌دات له‌ هه‌مان کاتدا له‌ خزمه‌ت ره‌وه‌ندی کوردییدا ده‌بێت ،کاره‌کانی ماڵی کوردی ئه‌م خاڵانه‌ی خواره‌وه‌ له‌ خۆ ده‌گرێت:

1- کردنه‌وه‌ی خوولی بۆ فێربوونی زمانی کوردی به‌ هه‌ردوو شێوه‌ی کرمانجی و سۆرانی.

2- کردنه‌وه‌ی خوولی فێربوونی موزیک و کلتوری کوردی.

3- کردنه‌وه‌ی خوولی فێربوونی هونه‌ری شێوه‌کاری.

4-  کردنه‌وه‌ی خوول بۆ ره‌وه‌ندی کوردی بۆ فێربوونی شاییه‌ جۆراوجۆره‌کانی کوردی .


ئەم بابەتە 110 جار خوێندراوەتەوە