KALAR.jpg

دیدارى شێروانە بۆ شیعر و توێژینەوە بەڕێوەدەچێت

لە شارى کەلار دیدارى شێروانە بۆ شیعر و توێژینەوە بەڕێوەدەچێت، کە تیایدا چەنیدن شاعیر و توێژەرى هەرێمى کوردستان و دەرەوە بەشدارى تێدا دەکەن.

وا بڕیارە رۆژى چوارشەممە 12/2/2020 کاژێر (10:30)ى بەیانى لە هۆڵى هونەر لە شارى کەلار ناوەندى رۆشنبیریى ئەدیبان و نوسەرانى کەلا لەیەکەم چالاکى خۆیدا بەبەشدارى شاعیرانى ناوخۆ و دەرەوە دیدارى شێروانە بۆ شیعر و توێژینەوە بەڕێوەبچێت، بەپێى کارنامەى مەراسیمەکە سەرلەبەیانى رۆژى یەکەم کۆڕى شیعرى بۆ هەریەکە لە شاعیران (پەروێز هوما، ئاواز نەجم، عومەرى مەلا، محەمەد عوبێد، رەوەند ساڵح، ئەکەرەم هەواس و جەلال بەردى) بەڕێوەدەچێت، دواتریش هەڵسەنگاندنى زمانەوانى و ئەدەبى بۆ سەرجەم بەرهەمەکان دەکرێت.

دواى نیوەڕۆش جگە لە بەڕێوەچوونى چەند پانێڵێک بۆ ژمارەیەک توێژەر، هەریەکە لە شاعیران (د. فەرەیدون عەبدول بەرزنجى، قوبادى جەلیزادە، فاتح سەلام، م. سەلاح پەرلەمان، سەلوا عەلى و ساڵح بێچار) شیعرەکانیان دەخوێننەوە.

سەرلەبەیانى رۆژى دووەمیش کۆڕى شیعرى بۆ هەریەکە لە شاعیران (رەحیم سەرەرۆ، لەتیف فاتح، ساڵەح هەلاج، رۆژ هەڵەبجەیى و حەمەى برا حەمە) بەڕێوەدەچێت، دواتریش سیمینارێک لەلایەن (پ. ى. بەدرەدین یاسوخى) بەناونیشانى (زازاکى وەک لەهجەیەکى قەدیمى کوردى و کێشەى ئاخاوتن و نوسینى).

وابڕیارە دیدارەکە دوو بەردەوام بێت، جگە لەم چالاکیانە چەنیدن شوێنى شارەکە دەکرێت.

 


ئەم بابەتە 100 جار خوێندراوەتەوە