Sardar_Abdulla.jpg

تاجه‌گوڵینه‌.. تاجی دڕک

رۆمانی تاجە گوڵێنە.. تاجی دڕک لە نوسینی (سەردار عەبدوڵڵا) و له‌ بڵاوکراوه‌کانی ده‌زگای رۆشنبیری جه‌مال عیرفان بەمنزیکانە بڵاودەکرێتەوە.

رۆمانەکە باس لە چیرۆکی خۆشەویستی لە زەمەنی کۆرۆنادا دەکات و بە خوێنەرەکانی دەڵێت کە چۆن ڤایرۆسەکە مرۆڤایەتی خستووەتە بەردەم دووڕیانی قەدەر و چارەنوسەوە.

لە بەشێکی دیکەدا پێشبینی ئەوەکراوە کە ڤایرۆسەکە مرۆڤایەتی لەناودەبات، یان بە جۆرێکی دیکە دایدەڕێژێتەوە کە شایستەی مرۆڤ بێت و کەرامەتەکەی بێت، لەو حاڵەتەیشدا رۆڵی گەورە و بونیادنەر بەر ژنان دەکەوێت.

شاعیر و ره‌خنه‌گر، محه‌مه‌د کوردۆ سه‌باره‌ت به‌ ڕۆمانی (تاجه‌گوڵینه‌.. تاجی دڕک) له‌سه‌ر به‌رگی پشته‌وه‌ی رۆمانه‌که‌ نوسیویەتی: "تاجه‌گوڵینه‌.. تاجی دڕک، ڕۆمانێکه‌ له‌ قه‌باره‌دا گه‌وره‌ نییه‌، به‌ڵام له‌ جوانی و ناوازه‌ییدا، چ له‌ ڕووی ناوه‌رۆک و چ له‌ ڕووی ته‌کنیکه‌وه‌، ڕۆمانێکی گه‌وره‌یه‌. له‌و ڕۆمانانه‌یه‌ که‌ تیایدا ون نابیت، به‌ڵام زۆر ئاسانیش به‌ مه‌نزڵ ناگه‌یت. ڕه‌نگه‌ زۆرێک له‌ پاڵه‌وانه‌کان بناسیت، وه‌لێ هه‌رگیز به‌و جۆره‌ نه‌تبینینبن که‌ لێره‌دا ده‌یانبینیت. دوور نییه‌ هه‌مووشیان یه‌ک که‌س بن. منیش جارێ دڵنیان نیم.

هه‌روه‌ها شاعیر و وه‌رگێڕی ناودار ئه‌رخه‌وان له‌ سه‌ر به‌رگ ده‌نوسێت: "‏زۆر له‌ ڕۆمانه‌کانی جیهان دوای ڕووداوه‌کان نووسراون، گرنگیی ئه‌م ڕۆمانه‌ له‌وه‌دایه‌ له‌ ساته‌وه‌ختی ڕووداوه‌که‌دا نووسراوه‌.

‏ئه‌م ڕۆمانه‌ ته‌نیا گێڕانه‌وه‌ نیه‌، شیکردنه‌وه‌یه‌کی فه‌لسه‌فیانه‌ی نوێیه‌ بۆ مێژوو و ژیان و مرۆڤایه‌تی. کاتێ سه‌ره‌تا و کۆتایی و ئه‌و هه‌ناسه‌یه‌ی له‌سه‌ره‌تای خوێندنه‌وه‌ی ڕۆمانه‌که‌وه‌ له‌ سینه‌تا په‌نگی خواردۆته‌وه‌، له‌ دوا دێڕه‌کاندا ئه‌و هه‌ناسه‌یه‌ ده‌رئه‌چێ و ئه‌گه‌یته‌ ئه‌نجام و وات لێ ئه‌کا قووڵتر بیر بکه‌یته‌وه‌ و سه‌رله‌نوێ هه‌موو حیکایه‌ته‌کانی ژیان به‌ شێوازێکی نوێ دابڕێژیته‌وه‌.

‏ڕۆمانێکه‌ پێویسته‌ هه‌مووان بیخوێننه‌وه"‌.


ئەم بابەتە 60 جار خوێندراوەتەوە