لە چوارچێوەى کتێبە چاپکراوەکانیدا و لە کارێکی نوێی دەزگای ڕۆشنبیریی جەمال عیرفان کتێبى (عەلی وەردی داکۆکی لەخۆی دەکات) چاپدەکات.

كتێبه‌كه‌ ناوى ناوه‌ندى توێژنه‌وه‌ى مێژوویى جه‌میل رۆژبه‌یانىبه‌سه‌ره‌وه‌یه‌ و له‌سه‌ر ئه‌ركى (د. ته‌ها ره‌سوڵ) چاپكراوه‌ و گفتووگۆیەکی کراوەیە (حەمید مەتبەعی)سازی کردووە و  د. نەوزاد ئەحمەد ئەسووەد كردویه‌تى به‌ كوردى.

سەبارەت بە ناوەڕۆکى کتێبەکە (د. نەوزاد ئەحمەد ئەسوەد) بە سایتى گەلاوێژى راگەیاند، کە ناوەڕۆکى کتێبەکە گفوگۆیەکی درێژە نووسەری عێراقی (حەمید مەتبەعی)ە، کە ئامادەی کردووە کە پێکهاتووە لە پێنج تەوەر (شێوازی نووسین، شیعرو شارستانیەت، سروشتی مرۆیی، سروشتی کۆمەڵگەی عێراقی و عەرەبی، کەسایەتیی مرۆڤی عێراقی). هەروەها وتى: "ئەم کتێەش دوای ئەو رەخنەو تۆمەتانە دێت کە ئاراستەی وەردی کراون، ئەویش لەو کتێبەدا داکۆکی لە تیۆر و تێز و بۆچوونەکانی خۆی دەکات لەمیانی چەندین پرسیارو وەڵامی سەرنجڕاکێش".

له‌ پێشه‌كى كتێبه‌كه‌دا وه‌رگێڕ چه‌ند دێرێكى نووسیوه‌، به‌م شێوه‌یه‌:

نووسەرو ئینسایكلۆپیدیستی عێراقی حەمید مەتبەعی (1942-2018) لە هاوینی ساڵی 1985دا چەند وتارێكی دەربارەی (عەلی وەردی) بە زنجیرە لە رۆژنامەیەكی عێراقیدا  لە لاپەڕەی "رەگوریشەی مێژووی نوێی عێراق"دا بڵاو كردەوە، لەدواییدا مشتومڕێكی زۆری لەسەر كرا، گەلێ‌ بابەتی رەخنەیی لەسەر نووسرا  و كۆمەڵێ‌ تۆمەت بۆ وەردی هەڵبەسترا، ئەمە دواتر وای لە حەمید مەتبەعی كرد گفتوگۆیەكی دوورودرێژی لەگەڵدا ساز بكات تا عەلی وەردی لەوێدا داكۆكی لەخۆی بكات، پاشان سەرجەمی بابەتەكانی لە كتێبێكدا چاپ كرد بە ناونیشانی (عەلی وەردی داكۆكی لەخۆی دەكات)، بەشییەكەم بریتییە لە وتارەكانی خۆی دەربارەی ژیان و هزر و توێژینەوە و بیرەوەری و گەشتەكانی عەلی وەردی، بەشی دووەم بریتییە لەم گفتوگۆیە كە ئەم تەوەرانە لەخۆ دەگرێت: 1- شێوازی نووسین، 2- شیعرو شارستانیەت، 3- سروشتی مرۆیی، 4- سروشتی كۆمەڵگەی عێراقی و عەرەبی، 5- دەربارەی هەندێ‌ كێشەی كەسێتی.

حەمید مەتبەعی لەگەڵ چەندین كەسایەتی و بیرمەندی ناوداری دیكەی عێراقیدا چاوپێكەوتنی دوورودرێژی سازداوەو دواتر لە كتێبی سەربەخۆدا چاپی كردوون، یەكێك لەوانە بیرمەندی كورد (مەسعود محەمەد) بوو كە گفتوگۆیەكی هزری و فەلسەفیی درێژی لەگەڵدا كردووە، لەساڵی 1988دا لەبەغدا چاپ كراوە.