جاكى شان، وه‌ك هه‌ر ئه‌كته‌رێكى دیكه‌ى سه‌ر ئه‌م زه‌مینه‌ خه‌ونى به‌وه‌ بینیوه‌ رۆژێك له‌ رۆژان خه‌ڵاتى ئۆسكار به‌ده‌ستبهێنێت، ئه‌و دوای (200) فیلم و (56) ساڵ کارکردن لە سینەما ئینجا توانى ئه‌م خەڵاته‌ بەدەستهبهێنێت.

كاتێكیش بوو به‌ خاوەنی خەڵاتی ئۆسکار، بڕوای نەدەکرد، بۆیه‌ كاتێك له‌ ساڵى 2016 بووە خاوەنی خەڵاتی ساڵانه‌ى ئۆسکار، هاتە سەر ستەیج و خەڵاتەکەی وەرگرت، له‌به‌رده‌م ئاماه‌بواندا وتی: "هێشتا باوەڕناکەم من لێرەم، ئەمە خەوە، هەموو ساڵێک کاتێک سەیری ئەم فێستیڤاڵەم دەکرد لەگەڵ دایک و باوکم، باوکم پێی دەوتم: (کوڕم تۆ خاوەنی فیلمێکی زۆری لە جیهان کەی دەبیتە خاوەنی ئۆسکار؟)".

‎منیش بە پێکەنینەوە دەمگوت: "باوکە گیان من تەنها ئەکتەری فیلمی ئاکشن و کۆمیدیام، بەڵام دوای (23) ساڵ کاتێک هاتمە هۆلیود و سەردانی ماڵی هەندێک لە هاوڕێیانم کرد لە هۆلیود وەک ستالۆن، کاتێک ئەم جۆرە خەڵاتانەم بینی بۆنم دەکرد و لە باوەشم دەگرت و دەمپرسی هەر بەڕاستی منیش رۆژێک بەدەستی دەهێنم، لە کۆتایدا بەدەستمهێنا".

هه‌روه‌ها له‌ درێژه‌ى وته‌كانیدا وتى: "‎کاتێک تەلەفۆنم بۆ هات و وتی جاکی پیرۆزە ئۆسکارت بەدەستهێناوە، کەمێک لام ئاڵۆز بوو، چونکە کەسەکە زۆر بەخێرایی قسەی دەکرد و باش لێی تێنەگەیشتم، دوای ئەوە پێم سەیر بوو، چونکە من لەو ساڵەدا هیچ بەرهەمێکم نەبووە ئیتر خەڵاتی چی، دواتر کە وتی ئٔۆسکاری شکۆمەندی تێگەیشتم، ‎تێگەیشتم دوای (56) ساڵ کارکردن لە بواری فیلم و سینەما و بەرهەمهێنانی زیاتر لە (200) فیلم، ماندووبوون و هەوڵدانێکی زۆر شکانی ئێسکەکانم، لە کۆتاییدا ئەوە بۆ منە".

جاکی شان (Jackie Chan) له‌ چه‌ند دێرێكدا:

- ناوى ته‌واوى: شان كۆنگ سانگ

- لە رۆژى 7/4/1954 لە شارى هۆنگ کۆنگ لە بەریتانیا لە دایکبووە.

- پیشه‌ى هونه‌رى: ئه‌كته‌ر و ده‌رهێنه‌ر و به‌رهه‌مهێنى فیلم.

- له‌ ئێستادا ته‌مه‌نى 66 ساڵه‌.

- له‌ ساڵى 2016 خه‌ڵاتى ئۆسكارى پێبه‌خشراوه‌.