xwlak.jpg

رۆمانێكى دیكه‌ى ئه‌لیف شەفەق كرا به‌ كوردى

بەمزوانە لە ناوەندی ئاوێر نوێترین رۆمانی ئەلیف شەفەق بڵاوده‌كرێته‌وه‌.

رۆمانه‌كه‌ به‌ناوى (10 خوله‌ك و 38 چركه‌ له‌م دنیا سه‌یه‌ره‌)یه‌، كه‌  ئازاد مه‌حمود له‌ ئینگلیزیه‌وه‌ وه‌رگێڕاوه‌ته‌ سه‌ر زناى كوردى، ئه‌لیف جگه‌ له‌و رۆمانه‌ى رۆمانى (چل رێساكه‌ى عه‌شق)یشى كراوه‌ به‌ كوردى، واشبڕیاره‌ به‌م نزیكانه‌ ئه‌و به‌رهه‌مه‌شى له‌ كتێبخانه‌ كوردییه‌كان به‌رده‌ست بكه‌وێت.

ئەلیف شەفەق (Elif Şafak) له‌ چه‌ند دێرێكدا:

- له‌ رۆژى 25/10/1971 له‌ شارى ستراسبۆرگ له‌ فه‌ڕه‌نسا له‌ دایكبووه‌.

- پیشه‌ى ئه‌ده‌بى: رۆماننوس

- رۆماننوس و نوسه‌رى به‌نه‌ژاد توركه‌.

- به‌ زمانه‌كانه‌ى ئینگلیزى، فه‌ڕه‌نسى و توركى ده‌نوسێت.

- به‌رهه‌مه‌كانى بۆ زیاتر له‌ سى زمان به‌سه‌ر (40) وڵاتى جیهاندا بڵاوكراونه‌ته‌وه‌.

- رۆمانه‌كانى بە پڕفرۆشترین رۆمان دادەنرێت لە توركیا.

- یەکەم ڕۆمانی بەناوی (شاراوە) نوسویه‌تى، کە لەساڵی ١٩٩٨ خەڵاتی ڕوومی بردەوە.

- ڕۆمانی چاوتێبڕین خەڵاتی باشترین ڕۆمانی یەکێتیی نووسەرانی تورکی بردەوە لە ساڵی ٢٠٠٠.

- بڕونامه‌ى به‌كالۆریۆسى له‌ زانسته‌ سیاسییه‌كان لە زانکۆی تەکنیکی ڕۆژھەڵاتی ناوه‌ڕاست له‌ توركیا به‌ده‌ستهێناوه‌.

- ھەڵگری بڕواننامەی ماستەرە لەسەر جێندەر و ژنان.

- ھەڵگری بڕونامه‌ى دوکتۆرایە لە زانستە سیاسییەکان.

باشترین بەرھەمە چاپكراوه‌كانى:

- چاوتێبڕین، رۆمان.

- چل رێساكه‌ى عیشق، رۆمان.

- زۆڵه‌كه‌ى ئیستانبووڵ.

- ئه‌شق.


ئەم بابەتە 101 جار خوێندراوەتەوە