× ![]()
غەزەلنووس، كتێبێك به چوار زمان بڵاوده‌كاته‌وه
ناوه‌ندى غه‌زه‌لنوس کتێبێک بە (4) زمان، هەروەها هەر دو زاراوەی سۆرانی و کرمانجی بڵاوده‌كاته‌وه.
كتێبه‌كه به‌ناوى (پرۆژه پراكتیكییه‌كانی بونیادنانی خۆبه‌ڕێوه‌به‌رایه‌تی)یه و له نوسینى (مه‌زڵووم عه‌بدی و پۆلات جان)ه و به‌هه‌ر چوار زمانى كوردى، عه‌ره‌بى، فارسى و ئینگلیزى به‌مزوانه بڵاوده‌كرێته‌وه.
چه‌ند زانیاریه‌ك له‌باره‌ى كتێبه‌كه‌وه:
پرۆژەی خۆبەڕێوەبەرایەتی تەعبیرە لە كۆمەڵێگ هەنگاوی كردەیی بنچینەیی، كۆمەڵێك پرۆژەی گرنگ بۆ چارەسەركردنی پرسەكانی كۆمەڵگە و دابینكردنی پێویستی و داواكانی بە شێوەیەكی كردەیی.
ئەو هەنگاو و خاڵانه، بە زەمینە و ڕێسای بنچینەیی بونیادنانی خۆبەڕێوەبەرایەتیی دێمۆكراتیك دادەنرێن، خۆبەڕێوەبەرایەتییەك كە هەم ستوونی و هەم ئاسۆیی گەشە دەكات و لەگەڵ خۆیدا دامەزراوە سەرەكییەكانی كۆمەڵەكه رۆدەنێت.
ئێمە باوەڕمان بەم پرۆژەیە هەیە، بە پێویستییەكی مان و نەمانیی دەزانین كە دەبێ سەرجەم وزە و هەوڵمان بۆ بونیادنان و سەرخستنی تەرخان بكەین، كاتێكیش سیستەمی خۆبەڕێوەبەرێتی بوو بە دیفاكتۆیەك دەسەڵات و ئۆپۆزسیۆنیش پێیان خۆش بێ یان نا، قبوڵی دەكەن. لە هەردوو حاڵەتەكەدا، بوونی كورد دەبێت بە واقیعێكی ریكخراو و بەسیستم دیار كە ناشێت نەبینرێت. دووبارەی دەكەینەوە، گەلی كورد لە ڕۆژئاڤا و سوریا چووەتە قۆناغێكی مێژوویی گرنگەوە و دەرفەتێكی مەزنی لە بەردەمدایه، دەرفەتێك بۆ ئازادی، خۆسەلماندن، خۆبونیادنان و كۆتاییهێنان بەو سیاسەتانەی كە لە سەردەمی ڕۆیشتنی فەڕەنسییەكانەوە لە دژی پیادە دەكرێن.
ئەم بابەتە 78 جار خوێندراوەتەوە
