yoobory1.jpg

شەشەمین دیدارى شانۆى کوردى بەشێوەى ئۆنلاین بەڕێوەچوو

کۆمەڵەى هونەرە جوانەکانى یۆتۆبۆرى، بەهۆى فایرۆسى کۆرۆنا شەشەمین دیدارى شانۆى کوردى بەشێوەى ئۆنلاین بەڕیًوەبرد.

لە رۆژانى 28- 31/8/2020 کۆمەڵەى هونەرە جوانەکانى یۆتۆبۆرى شەشەمین دیداری شانۆی کوردی لە یۆتۆبۆری ئەنجامدا، لە رۆژی یەکەمى دیدارەکەدا کاژێر (6)ى ئێوارە گوتاری شەشەمین دیداری شانۆی کوردی لە یۆتبۆری لەلایەن هونەرمەند (شەماڵی عەبەرەش) خوێنداریەوە، دواتر هونەرمەند (دلشاد ئەحمد) سەرۆکی بۆردی دیداری شانۆی کوردی لە یۆبۆری وتەیەکى پێشکەش کرد، هەمان ئێوارە چەند بەرهەمێکى هونەرى پێشکەشکرا، سەرەتاش ئاهەنگى موزیک و گۆرانی لە ئەرشیفی دیدارەوە، بە بەشداری هەڵبەست حەمەساڵح دیلان و فەرەیبوز کەرەمی، دواتریش نمایشی تە پڵ و بەرد لە نوسین و دەر‌‌‌‌هینان و نواندی شوان عەتوف پێشکەشکرا،

لە رۆژى دووەمیشدا کاژێر (4)ى ئێوارە بە ئاهەنگى موزیک و گۆرانی لە ئەرشیفی دیدارەوە، بە بەشداری شنۆ ئەحمەدی و شادان جەمال پێشکەشکرا، دواتریش  دیداریک لەگەڵ شانۆکار (سدیق عەزیز)، کە لە نەرویجەوە بەشدار بوو پێشکەشکرا،  نمایشیکردنی شانۆگەریی باوک لە نووسینی ئاگوست ستریندبێرگ و دەر‌هێنانی سدیق عەزیز، نواندنی شەماڵی عەبەڕەش، دڵشاد ئەحمەد، سیروان جەمال، شادان فواد، خەرمان هیرانی، کاروان عەلی مەجۆل، باڵا، ئارینا بوون بە کۆتا بەرهەمى رۆژى دووەم.

لە رۆژێ سێهەمدا لە کاژێر (4)ى ئێوارە  چەند موزیک و گۆرانی لە ئەرشیفی دیدارەوە، بە بەشداری هونەرمەند بەرزان سەیدا  پێشکەشکرا، دواتر  دیداریک لە گەل هونەرمەندانی رۆژهەلاتی کوردستان رەزای سعیدیانی و مەسعودی یوسفی پێشکەشکرا،  نمایشی داربەروی وڵاتەکەم لە نووسین و دەرهێنانی رەزای سعیدیانی و نواندنی مسعودی یوسفی بەرهەمێکى دیکە بوو پێشکەشکرا، هەروەها  دیدارێک لەگەڵ هونەرمەند مەریوان کەمال کە لە ستۆکهۆڵمەوە بەشدار بوو پێشکەشکرا،  نمایشی شانۆگەریی تابلۆیەک لە خۆڵەمێش لە نووسینی هارولد پینتر و دەر‌هێنانی بەکر ڕەشید و نواندنی مەریوان کەمال و شادە عومەر کۆتا بەرهەمى ئەو رۆژە بوو کە نمایشکرا.

لە رۆژى چوارەم و کۆتا رۆژیشدا لە رۆژى 31/8/2020 کاژێر (4)ی ئێوارە بە کاتی ستۆکهۆلم  کۆریک لە سەر دۆخی شانۆ لەگەل نوسەر و رەخنەگری شانۆیی (حەمە سوار عەزیز) کە لە کوردستانەوە بەشدارى کردبوو پێشکەشکرا.


ئەم بابەتە 42 جار خوێندراوەتەوە