Karwan_Kakaswr.jpg

ڕۆمانێکی نوێی کاروان کاکە سوور بڵاودەبێتەوە

ڕۆمانی "ئەو هاوڕێیەی منداڵیم ببینمەوە؟" ڕۆمانێکی نوێی نووسەری کورد  "کاروان کاکەسوورە " کە لەماوەیەکی تردا لەلایەن ناوەندی ڕۆشنبیری ئەندێشەوە چاپ و بڵاو دەکرێتەوە.

کاروان کاکە سوور" لە ناوە دیارو گرنگەکانی نێو ئەدەبی کوردییە، ئەو ڕۆمانەکانی بە سەبرو وردی و پێداگرییەکی زۆرەوە دەربارەی مێژوی کورد و مرۆڤ و منداڵی و ترس و دڵ ڕەقی و لێکترازانەوە دەنووسێت و لەناو هەمووشیاندا هەست بە ئامادەیی کۆمەڵناسێکی پڕ سەرنج و مرۆڤ ناس دەکەیت.

"ئەو هاوڕێیەی منداڵیم ببینمەوە؟" نوێترین ڕۆمانی کاروان کاکە سوورە و وا بڕیارە پاش ماوەیەکی تر بڵاوبکرێتەوە.

دەربارەی ئەم ڕۆمانە هەژار مەجید خاوەنی کتێبخانەی ئەندێشە، دەنووسێت: "ئەوەی لێرەدا دەتوانم بڵێم ڕۆمانێکە لێوانلێۆ لە ترس، لە توڕەیی، لە مێژووی شار، لە عەشق و خۆشەویستی و خیانەت، لە سەفەر و گەڕان و گەڕانەوە. لە پەنابردنەوە بەر ڕابردووی مرۆڤ، لە خەبات. ڕۆمانێکە لێوانلێو لە چێژ و جوانی.

سوپاس بۆ کاروان عومەر کاکەسور بۆ ئەم ڕۆمانە جوانە، یەکێک لەو ڕۆمانانەی بێ ئەندازە چێژی پێبەخشیم، بێ ئەندازە خستمییە بیرکردنەوە".

وا بڕیاره‌ ئەم ڕۆمانە به‌م نزیكانه‌ بڵاوبکرێتەوە. 


ئەم بابەتە 69 جار خوێندراوەتەوە