Mala_Baxtyar.jpg

كتێبی خۆم بەڕێوەیە.. ئاگام لە كتێبی تر نییە!

مەلا بەختیار

لێرەو لەوێ، دەبیستم‌و دەخوێنمەوە كە گوایە.. من ئاگام لە كتێبەكەی (شیهاب كەریم)ە.

هەموو لایەك دڵنیا دەكەم، كە دوورو نزیك، پێش چاپكردنی كتێبی ناوبراو، نەدیومە‌و نە زانیویشمە كتێب دەنوسێ. خۆم قەڵەمم هەیە.. هەزار بەقەد شیهاب‌و خەڵكی وەكو شیهاب، راستی‌و زانیاریم لایە.. بەڵگەم هەیە.. هەتا 20/9 كە فێستیڤاڵی گەلاوێژ دەست پێدەكات، كتێبەكەی خۆم (لەبری بیرەوەری) بڵاودەكەمەوە.. كە نە رق‌و نە خۆشەویستی لە كتێبەكەدا رەنگی داوەتەوە.. بەڵام دەیان راستی‌و روداوی نەزانراوم، بەبەڵگەوە شەن‌و كەو كردووە.

سەیریشە.. هەیە پێی وایە، مێژوو موڵكی ئەوانە.. ناكرێ لە روانگەی ترەوە بخوێندرێتەوە.. هیچ سەركردەو حیزبێك پشتبەندی نوسینی مێژووی نوێی نییەو نابێ!

كاتیشی هاتووە، دەرگای روانگە جیاوازەكان، بكرێتەوە. دادگای مێژووش.. كەس نابوێرێ..

لە ناو دونیای سیاسەتیشدا.. فریشتەیەك نادۆزیتەوە، بەڵام شەیتان.. زۆرە!


ئەم بابەتە 76 جار خوێندراوەتەوە