هونەرمەند و ئەکتەری دیاری میسر عایدە کامل بەهۆی نەخۆشییەوە کۆچی دوایی کرد.

سەندیکای هونەرمەندانی میسر به‌هۆى كۆچى دوایى هونەرمەند و ئەکتەری دیاری میسر عایدە کامل راگه‌یه‌ندراوێكیان بڵاوكرده‌وه‌، له‌ راگه‌یه‌نداروه‌كه‌دا هاتووه‌، هونەرمەند عایدە کامل بەهۆی بوونی گرفتی تەندروستیی لە گەدە و کۆڵۆنیدا، کە ماوەی سێ هەفتە بوو لە نەخۆشخانەیەکی قاهیرەدا چارەسەری وەردەگرت، بەڵام تەندروستیی خراپتر بووە کە بە هۆیەوە کۆچی دوایی کردووە.

عایدە کامل له‌ چه‌ند دێرێكدا:

- پیشه‌ى هونه‌رى: ئه‌كته‌ر

- له‌ رۆژى 22/9/1931 له‌ شارى قاهیره‌ له‌ دایكبووه‌.

- هاوسه‌رى هونەرمەندی کۆچکردوو مەحمود عەزمی بووە.

- له‌ ژیانى هونه‌ریى خۆیدا به‌شدارى زیاتر له‌ (120) فیلمی سینەمایی و زنجیرە درامای تەلەفزیۆنیدا کردووە.

- ناوبانگێکی دیاری لە میسر هەبووه‌ و چەندین خەڵاتی لە بوارەکەی خۆیدا وەرگرتووە.

- له‌ رۆژى 7/9/2020 له‌ ته‌مه‌نى (89) ساڵى له‌ شارى قاهیره‌ كۆچى دوایى كردووه‌.