Jamal1.jpg

خۆشنوسێكى كورد خه‌ڵاتكرا

دواى ئه‌وه‌ى توانى لە پێشبڕکێی وڵاتانی عەرەب براوەی دووەم بێت لە هونەری خۆشنووسی، لە مەراسیمێكى شایسته‌دا خەڵاتی ڕێزلێنان به‌خشرا به‌ هونەرمەند جەمال مەلا.

رۆژى سێشه‌ممه‌ 6/10/2020 لە دیوانی بەڕێوەبەڕایەتی ڕۆشنبیری و هونەری ڕاپەڕین له‌ شارى رانیه‌ به‌ ئاماده‌بوانى ژماره‌یه‌ك هونه‌رمه‌ندى شاره‌كه‌ بەڕێوەبەڕایەتی ڕۆشنبیری و هونەری ڕاپەڕین مەڕاسیمێکی ڕێزلێنانی بۆ هونەرمەندی خۆشنووس (جەمال مەلا)سازکرد، لەپای بەشداری کردنی لەپێشبڕکێیەکی خۆشنووسی لەوڵاتی میسڕ بەبەشداری خۆشنووسانی وڵاتانی عەرەبی و جیهانی کە بەشێوەی ئۆنلاین بۆ خەتی دیوان سازکرابوو، لەناو هەزار بەشداربووی فیستیڤاڵەکە جەمال مەلا توانی پلەی دووەمی پێشبڕکێکە بەدەستبهێنێت.

لەسەرەتای مەڕاسیمەکە پێشانگایەک بۆ کارە خۆشنووسیەکانی جەمال مەلا کرایەوە، دواتر چه‌ند وتارێك له‌لایه‌ن بەرێوەبەری بەڕێوەبەڕایەتی ڕۆشنبیری و هونەری ڕاپەڕین و قائیمقامی قەزای ڕانیە خوێناریه‌وه‌، دواتریش هونه‌رمه‌ند جەمال مەلا لەوتەیەکدا ئاماژەی بەژیاننامە و کارو پڕۆژە ئەزموونی خۆی لەبواری لەخۆشنووسیدا کرد، له‌ كۆتایشدا خەڵاتی ڕێزلێنانی هەر یەک لەئیدارەی ڕاپەڕین و قائیمقامیەتی قەزای ڕانیە و بەڕێوەبەڕایەتی ڕۆشنبیری و هونەری ڕاپەڕین پێشکەش بەهونەرمەندی خۆشنووس جەمال مەلا کرا.


ئەم بابەتە 53 جار خوێندراوەتەوە