Mwnira.jpg

كۆیه‌، بۆیه‌كمجار په‌یكه‌ر بۆ ژنه‌ شه‌هیدێك دروست ده‌كرێت

له‌سه‌ر دواى نوسه‌ر و چالاكوانێكى شارى كۆیه‌، هونەرمەندی پەیکەرتاش (بەختیار هەڵەبجەیی) په‌یكه‌رێك بۆ ژنه‌ شه‌هیدى شاره‌كه‌ مونیرە جەلیزادە و شەهید شوانی کوڕی دروست ده‌كات.

نوسه‌ر و چاكوانى شارى كۆیه‌ له‌ واڵى تایبه‌تى خۆى له‌ تۆڕى كۆمه‌ڵایه‌تى فه‌یسبوك هه‌واڵى دروستكردنى په‌یكرێكى بۆ ژنه‌ شه‌هیدى شارى كۆیه‌ مونیرە جەلیزادە و شەهید شوانی کوڕی بڵاوكرده‌وه‌، به‌ دروستكردنى ئه‌و په‌یكه‌ره‌، شاره‌كه‌ ده‌بێته‌ خاوه‌نى یه‌كه‌مین په‌یكه‌رى ژن.

له‌ واڵه‌كه‌یدا هاتووه‌: "گەورە هونەرمەندی پەیکەرتاشی کورد (بەختیار هەڵەبەجەیی)، خۆبەخشانە ئامادەیی خۆی نیشاندا، بۆ دروستکردنی پەیکەری نەمریی شەهید مونیرە جەلیزادە و شەهید شوانی کوڕی، دوای ئەوەی کە بەندە لێرە، بانگەوازی بۆ کرد".

هه‌روه‌ها نوسیویه‌تى: "لە شاری کۆیە نزیکەی (25) پەیکەر هەیە، هەمووی هێ پیاوانە، بەمەش ئەم پەیکەرە دەبێتە یەکەمین پەیکەری بەردی داتاشراوی ژنێکی نەمر لەم شارەدا، هیوادارین. کەسانی دیکەش هەوڵ بدەن بۆ ئەو شێرەژنانەی دی شارەکەمان، پەیکەر و دیواربەند و تابڵۆی نەمریی دروست بکەن".

مونیرە جەلیزادە، ناوى ته‌واوى (منیرە مەلا تایەر جەلیزادە)یه‌، له‌ ساڵی 1936 لە کۆیە لە دایکبووە، خاوەنی (4) کچ و کورێک بوە، لە رەشە کوژیەکەی کۆیە له‌ ساڵى 1963 كاتێك حەرەس قەومیەکان بەرابەری تەها شەکرچی بە ناو کۆیە دەسوڕانةوة و خەڵکيان دةطرت و لە دینگەی ناو بازاری کۆیە هەڵیانده‌واسين، ئه‌وكاته‌ ماڵی شه‌هید منیرە نزیک بازار بوە، کاتێک حەرەس قەومی هەڵدەکوتنە سەر ماڵیان دەرگایان لێناکاتەوە یەکێك لەجەلادەکانی شەکرچی گولەیەک بەدەرگاوە دنێ و گوله‌كه‌ بەر شه‌هید منیرە دەکەوێت و پارچەی دەرگاکەش بەر تاقە کوڕەکەی كه‌ناوی (شوان)ه دةكةويَت‌، بەهۆی نەبوینی دکتۆرو کارمەمد لەنەخۆشخانە شه‌هید مونیره‌ شەوێک دەژيیَت و لە رۆژى 4/7/1963 شەهید دەبێت، به‌هۆى ئه‌وه‌ى قه‌ده‌غه‌ى هاتوچۆیه‌ به‌نهێنى و بە قادرمەی دار دەیبەنە سەرگۆڕستان و بەخاکی دەسپێرن، كۆڕه‌كه‌شى به‌هۆى زۆرى برینه‌كه‌ى دواى (10) رۆژ گیان له‌ده‌ستده‌دات.


ئەم بابەتە 193 جار خوێندراوەتەوە