Talhat.jpg

تەڵعەت تاھیر، له‌ سۆران ده‌بێت

شاعیرى كورد تەڵعەت تاھیر لە سۆران كۆڕێكی شیعر خوێندنه‌وه‌ سازده‌كات.

وا بڕیاره‌ رۆژى هه‌ینى 13/11/2020 كاژێر (2:30)ى پاشنیوه‌ڕۆ له‌ سۆران خانەی فەرھەنگیی شین له‌ درێژه‌ كار و چالاكییه‌كانیدا كۆڕێكی شیعری بۆ شاعیر و نوسەر (تەڵعەت تاھیر) ڕێكبخات، واشبڕیاره‌ له‌ ئێواره‌ شیعرییه‌كه‌دا چه‌ند ده‌قێكى نوێى شیعرى خۆى پێشكه‌ش به‌ ئاماده‌بوان بكات.

خانەی فەرھەنگیی شین، خانەیەكی ڕۆشنبیری و ئەدەبی و ھونەرییە، قازانج نەویستی سەربەخۆیە، لە پێناو پەرەدان بە توانا جیاوازەكان دەكات.

تەڵعەت تاهیر له‌ چه‌ند دێرێكدا:

- ناوى تەواوى: تەڵعەت تاهیر خورشید

- پیشەى ئەدەبى: شاعیر

- لە  رۆژى  18/1/1973 لە شارۆچکەی مەخمور، سەر بە پارێزگای هەولێر لە دایکبووە.

- لە ساڵى 1979 خوێندنى سەرەتایى لە خوێندنگاى قەرەچوغ لە مەخمور تەواو کردووە.

- لە ساڵى 1982 خوێندنى ناوەندى لە خوێندنگاى ئیبن خەلەکان تەواو کردووە.

- لە ساڵى 1985 خوێندنى ئامادەیى لە دواناوەندى عەنکاوە تەواو کردووە.

- لە ساڵى 1986 یەکەمین تێکستى شیعرى بەناونیشانى (ساباتى خۆشەویستى) لە رۆژنامەى هاوکارى بڵاوکردۆتەوە.

- لە رۆژى 12/10/2002 ژیانى هاوسەرى پێکهێناوە و (2) کچى هەیە بەناوەکانى (هانە و وێنە)

- لە ساڵى 2018 بەشى خوێندنى تەکنیکى لە پەیمانگاى تەکنیکى شارى سلێمانى تەواو کردووە.

- ئەندامی دەستەی نووسەرانی چەندین گۆڤار و پاشکۆی ئەدەبی بووە.

- ئەندامی کارای یەکێتی نووسەرانی کوردە.

- ئەندامی کارای سەندیکای رۆژنامەنووسانی کوردستانە.

- جێگری سەرۆکی بنکەی رووناکبیری گەلاوێژە.

- چەندین وتار و لێکۆڵینەوەی لەبارەی ئەدەبیاتی کوردی و جیهانییەوە بڵاوکردۆتەوە.

چەند بەرهەمێکى چاپکراوى هەیە لەوانە:

- لەبەر ئاوازێک نایەوێ ببێتە گۆرانی، شیعر، 2009.

- دەرچوون لە سووڕیی نووسین، وتار و لێکۆڵینەوەی ئەدەبی، 2018.

- بنەچەی سەوسەن، وەرگێڕانی شیعری ئەدۆنیس، 2010.

- عەتری ئەو عاشقانەی مردن، وەرگێڕانی شیعر- کۆبەندی شیعرەکانی شاعیری عەرەب ئەدۆنیسە، 2016.

- ئارام بە هاملێت، شێتی ئۆفیلیا هەڵمژە ، وەڕگێڕانی شیعری ئەدۆنیس، 2012.

- لە ئێستادا (2) بەرهەمى ئەدەبى ئامادەیە بۆ چاپ، کە بریتین لە دیوانێکى شیعرى و رۆمانێک.


ئەم بابەتە 63 جار خوێندراوەتەوە