CDO.jpg

کەرنەڤاڵی سروشت، له‌ پێشانگایه‌كى شێوه‌كاریدا

بە بەشداری ژماره‌یه‌ك هونەرمەندی شێوەکارى كورد لە شارە جیاجیاکانی کوردستان پێشانگاى (کەرنەڤاڵی سروشت) ده‌كرێته‌وه‌.

وابڕیارە  له‌ رۆژى 21/11/2020 لە دو کاتی جیاوازدا (بەیانیان و ئێواران) ڕێکخراوی گەشەپێدانی مەدەنیەت (CDO) لە گەلەری ئەمنە سورەکە پیشانگایه‌كی شێوەکاری هاوبەش لە ژێر ناوی (کەرنەڤاڵی سروشت)، بە بەشداری هونەرمەندانی شێوەکار لە شارە جیاجیاکانی کوردستان (کەرکوک، هەڵەبجە، زاخۆ، خانەقین و سلێمانی) بكاته‌وه‌، واشبڕیاره‌ لەم پیشانگا هاوبەشەدا (11) هونەرمەندی شێوەکار تیایدا بەشداربن بە سەرپەرشتی هونەرمەندی شێوەکار (محه‌مه‌د فه‌تاح) کە سەرپەرشتیاری ئەم پڕۆژەیەیە ده‌كات.

به‌پێى به‌دواداچونه‌كانى سایتى گه‌لاوێژ هونەرمەندان سەیرانگای (سەرچنار)یان هەلبژاردووە بۆ ئەنجامدانی کارێکی پراکتیکی نیگارکێشان لەناو سروشدا وەک بڕگەیەکی پێشانگاکەیان.

ڕێکخراوی CD0 سپۆنسەری تەواوی ئەم پیشانگا هاوبەشەی کردووە بە ئامانجی خزمەتکردنی هونەرمەندانی شێوەکار و کۆکردنەوەیان لە پڕۆژەیەکی هاوبەشدا کە تەواوی تابلۆکان لە سروشدا وێنە کێشراون، هەروەها نزیککردنەوەی ڕۆحی بەشدارانی پیشانگاکە لە کارێکی واقعی و لە جێبەجێکردنی هەستەکان و پەیامە مەعنەوییەکان.

پێشانگاكه‌ بۆ ماوه‌ى چه‌ند رۆژێك به‌رده‌وام ده‌بێت و سه‌رجه‌م تابلۆكان لە گەلەری ئەمنە سورەکە نمایش ده‌كرێن.


ئەم بابەتە 86 جار خوێندراوەتەوە