Haso_Shvan.jpg

له‌ یه‌كه‌مین ساڵیادى كۆچى دوایى هونه‌رمه‌ندێکى ئێزدیدا

ساڵێك به‌ر له‌ ئه‌مڕۆ هونه‌رمه‌ندی دیاری کوردی ئێزدی (حه‌سۆ شڤان شێخۆ) بەهۆى نەخۆشى کۆچی دوایی کرد.

به‌داخه‌وه‌ ئه‌م هونه‌رمه‌نده‌ كه‌ ئه‌کته‌ر و گۆرانیبێژ و موزیسیانه‌ى ناسراوی شەنگال بوو له‌ رۆژى 15/11/2019 به‌هۆی نه‌خۆشییه‌وه‌ کۆچی دوایی کرد.

پیر(حه‌سۆ شڤان شێخۆ) که‌ خه‌ڵکی گوندی گر عزێری سه‌ر به‌ شارۆچکەى شنگال بوو، له‌م چه‌ند ساڵه‌ى دوایى توشى نه‌خۆشییه‌کی قورس ببوو، هه‌ر ئه‌مه‌ش بووه‌ هۆى  گیان له‌ ده‌ستدانى و هه‌مان رۆژ له‌ مه‌راسیمێكدا به‌خاک سپێردرا.

هونه‌رمه‌ند (حه‌سۆ شڤان شێخۆ) به‌شداری له‌ ژماره‌یه‌کی زۆر له‌ شانۆ و دراما و فیلمدا کردووه، گرنگترینیان له‌ گه‌ڵ تیپی گر عزێری هونه‌ری بووه‌، به‌ڵام به‌هۆى ئه‌وه‌ى ماوه‌ی ساڵێک باری ته‌ندروستی نا جێگربووه‌ و به‌ هۆى نه‌خۆشییه‌کەی له‌ جێگه‌دا که‌وتبوو و دوركه‌وتبویه‌وه‌ له‌كارى هونه‌رى و به‌و هۆیه‌وه‌ نەیتوانیبوو به‌شداریی هیچ کارێکی هونه‌ری بکات.


ئەم بابەتە 57 جار خوێندراوەتەوە