Gorany_koya.jpg

مێژووی سه‌د ساڵه‌ى گۆرانی و موزیکی کۆیە ده‌كرێت به‌ كتێب

کتێبی مێژووی گۆرانی و موزیکی ناوچەی کۆیە له‌ نوسینى هونه‌رمه‌ند و موزیسیانی دیاری کورد (وریا ئەحمه‌د) بڵاوكرایه‌وه‌.

ئه‌مڕۆ پێنجشه‌ممه‌ 19/11/2020 كاژێر (3)ى پاشنیوه‌ڕۆ لە هۆڵی بەشی کتێبخانە گشتیەکانی کۆیە بە ئامادەبوونی نوسەر ڕێوڕەسمی ناساندنی کتێبی (مێژووی گۆرانی وموزیکی ناوچەی کۆیە) بڵاوكرایه‌وه‌.

کتێبەکە لەلایەن هونەرمەندی موزیسیانی دیاری کورد وریا ئەحمد نوسراوە و تایبەتە بە (100) ساڵه‌ى هونەری موزیك و گۆرانی سنووری کۆیە لە نێوان ساڵانی 1850 بۆ 1950.

له‌ رۆژى پانزه‌ى ئه‌م مانگه‌وه‌ كتێبه‌ به‌چاپ گه‌یشتووه‌، بۆ ئه‌م مه‌به‌سته‌ نوسه‌ر له‌ واڵى خۆى له‌ تۆڕى كۆمه‌ڵایه‌تى فه‌یسبوك سه‌رباره‌ت به‌م به‌رهه‌مه‌ نوسیویه‌تى: "ئەمڕۆ کتێبی نوێم: (مێژووی گۆرانی و موزیکی ناوچەی کۆیە)ی نێوان ساڵەکانی (1850 - 1950)، بەسپۆنسەری (زانکۆی سەڵاحەدین) بەچاپ گەیشت".


ئەم بابەتە 28 جار خوێندراوەتەوە